Резултати од ракетниот напад врз сириските авиобази: Пресретнати преку 90% од ракетите!

Слободан Ѓукиќ
САД со своите сојузници утринава се решија да ја ракетираат Сирија. Според првите информации, кон воздухопловните бази на сириската армија се лансирани повеќе од 70 крстосувачки ракети базирани на различни борбени платформи. Засега нивниот ефект е потполно незначаен. Огромен број од нив се пресретнати, а добар дел се пренасочени кон сирискиот песок.

Според Министерството за одбрана на Руската Федерација, значителен број од овие ракети се пресретнати, поточно соборени, пренесува РИА „Новости“. Имено, по овие ракети дејствуваа единиците за ПВО кои се наоѓаат во состав на сириската војска, а кои првенствено се опремени со советските системи „воздух-земја“ од постарите генерации. Покрај овие системи, во сириската армија се наоѓаат и руските хибридни топовско-ракетни системи „Панцир-С“, а не е исклучено дека дејствувале и руските единици за противелектронска борба кои пренасочиле добар дел од овие ракети кои своето патување го завршија во сирискиот песок, далеку од каква било потенцијална цел.

Истовремено на улиците на главниот град се насобра маса сириски народ која го дочека овој настан истовремено да го прослави и грандиозното ослободување на Дамаск кое, судејќи по сѐ, стави дефинитивна точка на војната во оваа земја.

Во изминативе месец дена се водеа борби за ослободување на Источна Гута во која се наоѓаа околу 25000 исламски терористи, кои со овој чин претрпеа стратешки пораз од кој нема враќање.

За резултатите од нападот сведочи и изјавата на рускиот генерал Рудској на последниот брифинг со новинарите. Имено, според официјалните информации кои ги собра руската армија, резултатите на сириската ПВО се следниве:

  • Врз аеродромот Дјували се лансирани вкупно 4 ракети од кои сите 4 се соборени. Аеродромот не претрпе никакви оштетувања.
  • Врз аеродромот Думејр се лансирани вкупно 12 ракети, од кои сите 12 се соборени. Аеродромот не претрпе никакви оштетувања.
  • Врз аеродромот Блеј се лансирани вкупно 18 ракети, од кои сите 18 се соборени. Аеродромот не претрпе никакви оштетувања.
  • Врз аеродромот Шајрат се лансирани вкупно 12 ракети, од кои сите 12 се соборени. Аеродромот не претрпе никакви оштетувања.
  • Врз аеродромот Мезе се лансирани вкупно 9 ракети, од кои 5 се соборени. Инаку овој аеродром е неупотреблив и на него немало никакви борбени ефективи.
  • Врз аеродромот Хомс се лансирани вкупно 16 ракети, од кои 13 се соборени. Аеродромот претрпе незначителни оштетувања.

Значи, според официјалните податоци на руското Министерство за одбрана, од 71 ракета лансирана врз сириските аеродроми, соборени се 64 од нив, што изнесува преку 90%. Тоа досега претставува невидена ефикасност на една ПВО и тоа во планетарни размери.

Според првичните податоци, првенствено се соборени крстосувачки ракети од типот „Томахавк“ и „Storm Shadow“.

Прочитајте повеќе: Избегната Трета светска војна: Руските бази не беа цел на ракетниот напад врз Сирија

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња