Почна асфалтирањето на друмскиот лак на Кримскиот мост, сообраќајот ќе биде пуштен наредниве месеци

most.life
Почна поставувањето на асфалтот на друмската конструкција на лакот на Кримскиот мост, соопшти информативниот центар „Кримски мост”.

„Површината на асфалтниот дел на патот на лакот е релативно мала: околу 4,5 илјади квадратни метри. Така што за поставување на долниот слој на асфалтот ни се потребни околу пет-шест часа. Потоа правиме пауза од два-три дена за повторно за пет-шест часа да го поставиме горниот слој на асфалтот“, објаснува заменик-генералниот директор на компанијата „СГМ-Мост” Дмитриј Кондаков.

Се наведува дека градителите на конструкцијата на лакот на мостот поставиле 14 столбови за осветлување, а на надворешните сообраќајни ленти – огради. Кога овој дел на мостот ќе биде асфалтиран, градителите ќе монтираат ограда и меѓу лентите.

Премиерот на Русија Дмитриј Медведев изјави дека друмскиот сообраќај преку Кримскиот мост ќе биде пуштен наредниве месеци.

„Наредниве месеци ќе биде пуштен друмскиот сообраќај преку Керченскиот теснец. А до крајот на годинава автопатот од Керч до Севастопол“, изјави Медведев во обраќањето до Државната Дума.

Прочитајте повеќе за посетата на Путин на Кримскиот мост: Се надева на првите автомобили веќе во мај

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе