Првата испорака со дрон во историјата на руската пошта заврши неславно

Првата испорака со дрон во историјата на националниот поштенски оператор – „Пошта на Русија“ – претрпе целосен неуспех. Леталото требаше да испорача пакет од градот Улан Уде, главниот град на Република Бурјатија, во селото Нижни Сајантуј оддалечено 16 километри.

Но, нешто тргна во лош правец. Највисоките претставници на „Пошта на Русија“ и Република Бурјатија кои присуствуваа на полетувањето беа сведоци на несреќата што му се случи на дронот: леталото набрзо по полетувањето удри во зграда. Летечкиот поштар инаку чини 21000 долари.

Планираното полетување на вториот дрон е одложено додека не се утврдат причините за катастрофата.

„Поштата на Русија“ планира да користи дронови за испорака на пакети и писма во оддалечените региони на земјата.

Прочитајте повеќе: Руската пошта прва во светот ќе користи беспилотни летала за достава на пратки

При користење на материјалите на Russia Beyond задолжителен е хиперлинк до изворот од кој е преземен материјалот.