Во авиопаркот на „Поштата на Русија“ се појави првиот хеликоптер за транспорт на пошта и пратки - Ми-2. Хеликоптерот веднаш замина во Хабаровскиот крај.
„Создавањето на сопствен авиопарк имено во Хабаровскиот крај е условено со тоа што локалната мала авијација може да превезува само половина од целиот обем на сите писма и пратки“, се кажува во извештајот од „Поштата на Русија“.
„Користејќи го хеликоптерот, ние можеме оперативно да испорачуваме пошта во најоддалечените делови на овој крај, што е посебно важно во услови на вонредни ситуации, кога поради поплавите многумина ги напуштија своите домови и се најдоа одвоени од надворешниот свет, од своите роднини“, изјави директорот на компанијата.
Тој додаде дека во иднина компанијата ќе го развива сопствениот авиопарк, а во случај на вонредна состојба, хеликоптерите можат да бидат употребени за решавање на државните и социјалните задачи.
Сите права ги задржува „Росијскаја Газета“.
Претплатете се
на нашиот билтен!
Добивајте ги најдобрите стории на неделата директно во вашето сандаче