Деца од Сибир го предизвикуваат Ди Каприо: Нека се полие со кофа ладна вода на -60°C

Руската република Јакутија зимава се најде на насловните страници на весниците ширум светот. Првин температурата се спушти до -60 степени Целзиусови, а тамошните жители продолжија да се шетаат, пливаат и возат велосипеди. Потоа девојките од тој крај покажаа што се случува со нивните трепки на ниски температури.

А сега децата од селото Ојмјакон покажуваат дека лесно можат да го поднесат мразот: така што на ниска температура се полеваат со ладна вода! Тоа е нивниот одговор до Леонардо Ди Каприо, кој неодамна на „Инстаграм“ објави снимка за тоа како глобалното загревање и климатските промени предизвикуваат екстремно ниски температури во Ојмјакон. 

Пред да се полее со вода, момчето вели: „Здраво, Лео! Ти благодарам што мислиш на нас. Не грижи се, добро сме. Денес дури сјае и сонце. Дојди кај нас, ќе те полиеме со ладна вода. Со среќа!“

Прочитајте повеќе: Жителите на Сибир се капат во река и возат велосипед без оглед што е -60 °C

При користење на материјалите на Russia Beyond задолжителен е хиперлинк до изворот од кој е преземен материјалот.