Само -50°C? Училиштата во Русија и понатаму работат

Децата во сибирското село Ојмјакон одат на училиште и кога е страшно студено.

Некои училишта на Запад се затвораат која е премногу студено, но децата во руското село Ојмјакон во Јакутија ја немаат таа среќа.

Тоа е најстуденото постојано населено место на светот и децата во тоа село одат на училиште дури и кога, како на пример денеска, температурата падне под -50°C (што е таму просек за јануари).  

Според локалниот информативен сајт Ykt.ru, дури ни толку ниската температура не е доволна причина за откажување на наставата. Најниската кога било забележана температура во селото била дури -71°C!

Во овој крај, кој е познат и како еден од „половите на студот“, живеат околу 500 луѓе. Училиштата се затвораат дури кога температурата надвор ќе падне под -52°C, како што пропишуваат локалните власти.

Во Јакутск, главниот град на Јакутија, наставата се откажува на „само” -50°C. Така што следниот пат кога ќе морате да одите на училиште или на работа на ветар, дожд или снег, подобро да не се жалите!

При користење на материјалите на Russia Beyond задолжителен е хиперлинк до изворот од кој е преземен материјалот.