Руска предновогодишна прослава за деца во Скопје

На 23 декември во Македонската опера и балет се одржа новогодишна прослава за децата на руските сонародници кои живеат во Македонија. Овој настан се организира по трети пат. Главен организатор е Центарот за дополнително образование „Озарение“ со активно учество на Сојузот на руски сонародници „Чајка“, а со финансиска поддршка на Амбасадата на РФ во Македонија и на Россотрудничество.

На предновогодишната прослава претстава изведе рускиот камерен театар од Бугарија. Оваа година на најмалите гледачи им беше прикажана сказната „Морозко“. По претставата, како што е традицијата, децата играа оро со Дедо Мраз и добија новогодишни подароци.