На островот Сахалин ветрот однесе жена од балкон

Сергеј Красноухов/Sputnik
Силниот ветар што во градот Шахтјорск во Сахалинската област дуваше со брзина од 35 метри во секунда оддува една 65-годишна жена која пушеше на терасата на својот стан на трети кат.

Жената падна, а очевидците веднаш повикаа брза помош. Меѓутоа, како што обично се случува, кога ќе тргне на лошо, се случуваат и други несакани работи. Возилото за брза помош заглави во снегот, па жената беше префрлена во болница во корпа на багер. Возачот во услови на нулта видливост мораше да вози со отворена врата.

Сепак, таа имаше среќа да стигне до болницата, каде лекарите веднаш ѝ укажаа прва помош, дијагностицирајќи повеќе повреди со различен степен на тежина.

Поради ветрот кој дуваше со брзина од 35 метри во секунда е прогласена вонредна состојба.

А како изгледа одблиску руската зима во Сибир покажа еден ученик од едно село во република Јакутија кој со група ученици се враќаше од училиште и подоцна ја закачи снимката на интернет. Наставата во училиштата таму се прекинува кога температурата паѓа 40 степени под нулата, меѓутоа кон крајот на ноември, кога децата се најдоа среде меќава и со нулта видливост, температурата беше „само“ минус 15, а брзината на ветрот достигнуваше 30 метри во секунда.

Прочитајте  како Русите опстануваат во неверојатните климатски услови?

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња