Балканските мажи се предмети на обожавање на руските жени, и поради својот физички изглед, и поради својот карактер. „Дали е мачо?“, обично една Русинка прашува друга кога разговараат за тоа дали може тој да ги исполнува неjзините очекувања.
Според мислењето на руските жени, вистинскиот маж мора да задоволи определени физички критериуми – мора да биде висок, црномурен, силен и мора да има црни очи. Не сите жени сакаат спортисти, но мускулите се добредојдени. Важно е нивниот физички изглед да ја пренесува пораката дека тој е способен да се грижи за својата жена и да ја заштити. „Сакам силни, потемни мажи, кои можат да ме привлечат со својот таинствен поглед“, вели 35-годишната московјанка Татјана.
Поголемиот број девојки се сложуваат дека вистинскиот маж е темпераментен, храбар и, веројатно, понекогаш груб, но во никој случај не е насилен. Интересно е дека „бруталноста“ во овој контекст не се смета како нешто негативно, ами напротив, како доблест. Всушност, придавката „брутален“ во рускиот јазик има стекнато ново значење. „Брутален“ не значи насилен и груб, ами згоден, секси, неодолив, снажен, способен да пружи заштита.
Иако за Русинките „вистинските мажи“ се темпераментни мажи, тие истовремено се и нежни, великодушни и љубезни.
Овој стереотип е опишан во песната „Мачо“ на популарната руска пејачка Лолита:
Меѓутоа, додека Русинките сонуваат за мачо, некои Руси се чувствуваат занемарено. Познатиот кантавтор Александар Розенбаум ова чувство го има изразено во својата верзија на песната „Мачо“ со овие зборови: „Каде и да се свртиш гледаш мачо! И ни трага од нормални мажи“.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче