Ривал на Путин на претседателските избори во март е ЖЕНА!

Reuters
Ксенија Собчак ја започна својата кариера како „руска Парис Хилтон“ и сега сака да биде „руска Хилари Клинтон“. Еве неколку интересни факти за потенцијалниот кандидат за претседател.

Ксенија Собчак станува телевизиска ѕвезда во 2004 година со своето реално шоу „Дом 2“, во кое млади луѓе градат куќа, а во меѓувреме градат и романтични односи. 

По 13 години шоуто е сè уште во етер, но тоа е поврзано со лошиот вкус и највулгарните работи на рускиот екран. Благодарение на него, Ксенија Собчак станува сериозна и влијателна личност во руското општество.

Владимир Путин сè уште не објавил официјално дека ќе се кандидира за претстојните избори, но малкумина во Русија мислат дека нема. Веќе неколку месеци се шпекулира дека Собчак ќе се соочи со Путин во март, а на 18 октомври весникот „Ведомости“ објави писмо, за кое се тврди дека е испратено од Собчак и во кое таа ја објави својата одлука да се кандидира за претседател . 

Ќерка на патронот на Путин 

Путин ја започна својата политичка кариера како заменик на Анатолиј Собчак, поранешен градоначалник на Ленинград во времето кога градот го враќа историското име Санкт Петербург. Градоначалникот Собчак, кој почина во 2000 година, е познат како чесен и мудар човек, како и вистински поддржувач на демократијата. Постојат гласови дека Путин, кој во тоа време е десна рака на Собчак, станал кум на неговата ќерка Ксенија. 

Владимир Путин, Ксенија Собчак и нејзината мајка Људмила

Скандалозно ТВ деби 

Ксенија Собчак за првпат се појави на екранот во 2004 година. Во тоа време, таа е член на таканареченото „златно лудило“ и е позната како „Руска Парис Хилтон“. Дури има свое телевизиско шоу – „Блондинка во чоколада“, во кое ликот и е на дама во раскошна облека, која пие скапи пијалаци во луксузни ноќни клубови. Ксенија често ги посетува богатите забави, а нејзиното име е поврзано со скандали, големи пари и уште поголеми непријатели. 

Влегување во светот на возрасните 

Пресвртна точка во животот на Собчак беше во 2012 година, кога нејзиниот имиџ се преврти за 180 степени поради нејзините обиди да стане сериозна жена. Таа почна да носи очила и да прави сериозни новинарски проекти. Од 2012 година до јуни 2017 година интервјуира големи политичари, бизнисмени и новинари во емисијата „Собчак живјом“, што се емитува на телевизија „Дожд“. Во истата година Собчак станува главен уредник на гламурозното списание SNC (порано позната како „Сексот и градот“), откако ја напушта оваа позиција во 2014 година, кога станува главен уредник на L'Officiel. 

Можеби нејзиниот најсериозен и изненадувачки проект е нејзиното приклучување кон политичката опозиција. Кога демонстрантите излегоа на улица во 2012 година со настојувања за фер избори, Собчак и нејзините пријатели (новинари, актери и писатели) присуствуваа на митинзите, поради што станаа персона нон грата - без шанса да работат повторно на државната телевизија.

Лидер на опозицијата 

Некаде на протестите на опозицијата Ксенија го сретна својот иден сопруг - актерот Максим Виторган, а во 2016 година се раѓа и Платон - син на двојката. 

Со оглед на тоа дека Собчак одамна се сметала за близка на кругот на Путин, многу луѓе не веруваа дека влегувањето во опозиција било искрено. Сепак, коментарите за социјално вмрежување и интервјуа со Кремљ стануваат груби и построги. Кога опозицискиот активист и блогер Алексеј Наваљни ја објави својата кандидатура за претседател, Собчак храбро го поддржа. 

За време на интервјуто со Наваљни во јуни тие имаа мал конфликт. Ксенија објави дека неговата политичка програма не дава јасни одговори како земјата ќе стане подобро место - Наваљни се бори против корупцијата, само со тоа што ги открива функционерите и прави извештаи за нивните вили и приватни авиони, но недостасува план за промена на нештата. 

Борба за претседател

„Јас сум Ксенија Собчак, имам 35 години и во текот на целиот свој живот сум живеела и работела во Русија и сум загрижена што се случува во мојата земја“, пишува таа во писмото, цитирано од „Ведомости“. „Се однесувам кон сите јавни активности со одговорност и ги сфаќам сите ризици и неверојатни тешкотии на овој предизвик. Решив дека моето учество во претседателските избори може да биде чекор напред кон промените кои се толку важни за нашата земја“. 

Собчак пишува дека сака да претстави платформа „Против сите“, која се користеше во билтените во деведесеттите години од минатиот век. Таа учествува „не само како кандидат, но и како портпарол на оние кои немаат можност да станат кандидати. Подготвена сум да ги кажам вашите жалби од постојниот систем“. Можете да го прочитате целото писмо на Собчак тука на руски. 

Претходно, медиумите објавија дека Кремљ ќе ѝ дозволи на Собчак да учествува на претседателските избори. 

Ајде да видиме што оваа паметна и интелигентна жена може да постигне. 

За повеќе информации, посетете ја веб-страницата на Собчак sobchakprotivvseh.ru.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња