Во Русија рекорден број на деца последниве 15 години

Сергеј Коваљов/Global Look Press
Според податоците на руската Федерална служба за државна статистика, бројот на деца (на возраст до 15 години) за една година се зголемил за 2% (600 илјади луѓе). Така уделот на децата во структурата на населението достигна 18,3%, што претставува рекорд за последниве 15 години.

Според процентот на деца лидери меѓу регионите се Чеченија и Тува, додека најмал удел на деца во структурата на населението имаат Москва и Тулската област, пишува весникот „Взгљад“.

Како што истакнуваат експертите, зголемувањето на бројот на деца е акумулирана последица на порастот на наталитетот во последнава деценија и пол.

Уште една причина се миграциите. Според податоците на статистиката, минатата година миграцискиот прираст на населението од сите категории беше 262 илјади луѓе. Притоа големите градови се „демографски дупки“, и покрај приливот на мигранти. Меѓу нив голем дел се луѓе кои дошле заради заработка и кои веќе имаат семејство во друг регион или земја.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња