Фешн полис: Облечете се како руски специјалец

Министерството за одбрана на Русија се подготвува во Европа, во Америка и во Азија да отвори синџир продавници за облека под називот „Армија на Русија“. Првиот чекор во таа насока ќе биде прилагодување на сајтот на барањата на странските корисници, што ќе им овозможи да купуваат руска воена опрема без да излегуваат од дома.

Според тоа, за неколку месеци ќе можете да го облечете вашето дете за да изгледа како офицер на руската армија. Дали е тоа она за што сонувавте?

Вие и вашите деца ќе имате можност да се прошетате по улица во најмодерната униформа на припадниците на руските специјални единици кои во овој момент се борат против терористите на „Исламска држава“.

Обрнете внимание, во овие продавници нема да се продава оружје. Доколку сакате вашите деца да пробаат пукање и гаѓање во мета, ќе морате за тоа самите да се погрижите.

Со други зборови, нема да можете да ги купите новите руски автомати АК-12 или АК-15, но можете да почувствувате како е да се биде припадни на специјалните единици, барем во мирновременски услови.

Исто така можете да купите објала кои се носат во руската армија.

А, што велите на тоа да имате „воен“ златен Ајпад мини во кутија од црвено дрво?

Можеби повеќе ви се допаѓа свилен шал со воени симболи? Тоа може да биде убав подарок за вашата девојка или за вашата сопруга?

Во блиска иднина „Армијата на Русија“ ќе ја презентира својата нова колекција „есен-зима 2018“. Како што велат претставниците на овој проект, сиот понуден асортиман ќе биде побрзан со воената кампања во Сирија и со напорите што руските војници ги вложуваат во борбата против терористите на Блискиот Исток.