Не пропуштајте!
Придружете се на Russia Beyond на Телеграм за повеќе есклузивни содржини
Замислете го ова: слоеви од компир, морков, пилешко, јајца, сирење и обилен слој мајонез, прелиен со живописна ливада. Се разбира, листата на состојки може да варира, а притоа да се зачува суштината - оваа салата е создадена за љубителите на печурки, бидејќи е „овенчана“ со многу печурки!
Оригиналниот рецепт потекнува од ХХ век. Кога советските салати како „Оливје“ и „Харинга во бунда“ го заземаа своето место на секоја празнична маса, верзијата на слоевитата салата со печурки внесуваше разноликост.
Како што одминуваше времето, рецептот за салатата „Ливада со печурки“ продолжи да се прилагодува. Готвачите ја внесоа својата креативност, експериментирајќи со разни видови печурки и додатоци. Списокот на потенцијални додатоци се прошири со кисели краставички, пченка, па дури и јаткасти плодови, кои придонесуваат за сложеноста на салатата. Некои готвачи беа инспирирани од интернационалните кујни, па додаваа состојки како корејски морков или егзотични билки за да го подигнат јадењето на ново ниво.
Меѓутоа, креативноста не запира само на состојките! Изгледот исто така игра клучна улога. Некои кулинари ги обликуваат фигурините на печурките од компир, додека други ја аранжираат салатата да личи на волшебен шумски пејзаж. Ајде да се обидеме да направиме своја вкусна ливада од печурки!
1. Започнете со варење на јајцата, компирите и морковите: потопете ги во вода, посолете ја за да не се скршат јајцата и варете додека не станат тврдо варени (околу 7-10 минути откако водата ќе достигне точка на вриење). Потоа изладете ги и излупете ги јајцата. Продолжете да го варите зеленчукот во водата уште 20 минути (варењето на морковите може да потрае и до 25 минути). Извадете ги од тенџерето, оставете ги да се изладат и излупете ги компирите.
2. Пилешкото филе сварете го во вода зачинета со сол, ловоров лист и бибер во зрна. Варете околу 30-40 минути. Потоа извадете го од булјонот и оставете го да се излади.
3. Исцедете ги маринираните печурки и исплакнете ги под ладна вода. Потоа исушете ги со кујнска крпа.
4. Копарот се мие и ситно се сечка. Во помала чинија измешајте мајонез со кисела павлака, зачинете со сол и бибер по вкус и убаво измешајте.
5. Обложете длабок сад со пластична фолија. Ставете ги маринираните печурки на дното, со капите свртени надолу. Потоа ставете слој сечкан копар.
6. Следниот слој е изрендан компир, лесно премачкан со мајо сос.
7. Јајцата изрендајте ги ситно и распоредете ги преку слојот од компири. Додадете уште еден тенок слој од подготвениот сос.
8. Следат рендан морков, мајо сос, сечкани кисели краставички, пилешко исечкано на коцки и уште еден слој сос.
9. Завршниот слој е сирење, крупно изрендано и обилно премачкано со остатокот од сосот.
10. Покријте ја салатата со пластична фолија и оставете ја да отстои во фрижидер најмалку 2-3 часа, најдобро преку ноќ. Пред сервирање, отстранете ја пластичната фолија и ставете листови зелена салата одозгора, внимавајќи рабовите да висат преку садот за салата.
11. Превртете ја салатата на рамна чинија, внимавајќи слојот од печурки да биде на врвот. Тргнете ја пластичната фолија и послужете. Уживајте!
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче