Слаткарка од Сибир прави слатки во вид на „панелни згради“, „контејнери“ и гулаби (ФОТОГРАФИИ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Екатерина Федотовских, слаткар од Сургут, прави навистина необични торти. Во понудата има и пингвини на Антарктикот кои се лизгаат по леден брег, и книга со бајки со овци и ливади. Но, на љубителите на нејзината креативна работа особено им се допадна тематската серија торти во вид на панелни згради.

„Тортата „Панелна зграда“ (рус. „панелка“) настана благодарение на вашите коментари“, пишува Екатерина. „Долго траеше и беше комплицирано. Ми беше жал да ја сечам, а многу интересно за да ја правам!“

@kate_artcake

Калапот од силикон го направила сама. Влезот во зградата е направен од чоколадни греди, а настрешницата е бисквитна кора во ганаш. Терасите се од фондан на стапчиња (за канапе), а стаклата од изомалт (замена за шеќер, E953). Внатре е обична торта „Шварцвалд“. А ако сакате ефект на блескави прозорци, Екатерина предлага тортата да ја украсите со LED диоди.

А каков е тоа двор без контејнери за ѓубре? Оваа „диорама“, формирана од чоколадо, галети и желе, со стар душек фрлен во ѓубре, собра најмногу коментари од воодушевените следбеници. Внатре е торта од лимон.

@kate_artcake

Што велите за овој чоколаден телевизор од 1990-тите? „Маската“ на екранот е насловната секвенца на популарната телевизиска куќа „Вид“ која во тие години правеше забавна програма.

@kate_artcake

Сепак, вистински хит се чоколадните диви гулаби од дворот. Кој би помислил дека се направени од бело чоколадо?

@kate_artcake

При користење на материјалите на Russia Beyond задолжителен е хиперлинк до изворот од кој е преземен материјалот.