Торти толку реалистични што луѓето не веруваат дека се десерти

AlenaFonya
Менито вклучува кошничка од KFC, инстант тестенини и… мртов гулаб.

Ова е торта во вид на Доширак, бренд инстант-тестенини популарни во Русија.

Корисниците на „Твитер“ ја преплавија со лајкови објавата на санктпетербуршкиот шеф за печива Аљона Фоња и развија жива дискусија за нејзината торта во форма на Доширак.

„Добро е што не живееме во 15 век, инаку инквизицијата ќе сакаше да знае како го правиш тоа, вештерке!“, напиша корисникот на „Твитер“ Drinking Bear.

Аљона вели дека во просек троши пет часа „од почеток до декоративна завршница“ на таквите кулинарски ремек-дела.

Тортата изгледаше толку реалистично што некои скептици ја замолија да објави слика од неа пресечена во профил, што таа и го стори.

Дури и по втората фотографија, останаа сомневањата околу етикетата, но Аљона ја откри тајната: „Слика што се јаде на вафел-лист. Купив опаковка Доширак и ја скенирав етикетата“.

По огромниот одговор на нејзината торта Доширак, извонредниот шеф за печиво направи уште неколку неверојатно реални креации.

Kentucky Fried Cake, прстите да си ги излижеш.

И повторно во профил.

И еве ја тортата мртов гулаб. Не е естетски најубаво, но повторно суперреалистично. Не е за сечиј вкус, се разбира: „Уф! Не би ја јадела и да ми платат. Господи ... Освен тоа, исклучително добро е направена. Браво за тоа, но сѐ уште е одвратно“, напиша la_marishka_l на „Инстаграм“.

Без да биде загрижена за негативните критики, Аљона продолжува да пече кондиторски производи од чиј изглед ви се креваат цревата во желудникот. Нејзината торта во форма на крвав череп, исто така, предизвика измешани реакции.

Дали би ја купиле оваа торта за роденденот на вашата тешта?

Прочитајте повеќе: Дали би се осудиле да пресечете некое од слатките ремек-дела на оваа Русинка? (Фото)

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња