Не пропуштајте!
Придружете се на Russia Beyond на Телеграм за повеќе есклузивни содржини
Начинот на подготовка на овој деликатес произлегува од номадскиот начин на живот на туркиските народи, каде едноставноста, брзината и леснотијата биле суштински квалитети во кулинарските креации. Љубовта кон баурсакот ги надминува границите и обединува различни заедници, од Турција до Казахстан и Киргизија; како и од Монголија до руските Татари и Башкири.
Изведен од казахстанските зборови бауирлик и бауирзаш кои значат „крвни роднини“, баурсак е многу повеќе од обично јадење - пред сè, тој е симбол на среќа и сонце.
Баурсак е деликатес кој во Русија го обожуваат Башкирите и Татарите. Може многу добро да се комбинира со крепка шурпа супа, вкусна супа или со локален ароматичен традиционален чај. Баурсакот незабележливо се интегрираше во порите на секојдневниот живот.
Баурсак обично се прави од бесквасно или квасно тесто, фино обликувано во мали крофни кои често се тркалезни или во вид на дијамант. Овие деликатеси од тесто потоа вешто се пржат во длабоко масло, што ги прави совршено златнокафеави однадвор и нежно-меки однатре.
Баурсак е резервиран за ценети гости, што ја одразува неговата улога во покажувањето гостопримство и топлина. Како неодминлива карактеристика на секој свечен настан и гозба, баурсакот игра важна улога во свадбените обреди.
На татарските свадби родителите на младоженецот – а кај сибирските Татари, родителите на невестата – подаруваат јадење со баурсак или чак-чак како драг свадбен подарок. Овој сладок гест ја симболизира желбата за среќа, просперитет и живот исполнет со љубов.
Еден од најзначајните моменти во историјата на баурсакот беше во Русија на 20 април 2014 година, кога на плоштадот „Салават Јулаев“ во градот Уфа, Башкортостан, беше подготвен џиновски баурсак тежок 179 килограми. За овој рекорден деликатес беа потребни дури 1006 јајца, 25 килограми шеќер, околу 70 килограми брашно и неверојатни 50 килограми башкирски мед.
Затоа, денес ви предлагам да подготвите, а потоа да уживате во свежо пржените баурсак крофни кои веќе со генерации ги красат башкирските прослави.
Во сад за матење измешајте ги брашното, шеќерот и солта. Добро измешајте за да се обезбеди рамномерна распределба на сувите состојки.
Малку загрејте го млекото, внимавајќи да не е премногу жешко (околу 45°C). Во топлото млеко додајте го активниот сув квасец и полека мешајте додека не се раствори. Оставете ја смесата да отстои неколку минути додека квасецот не стане пенлив и не почне да „делува“.
Постепено сипувајте ја смесата од брашно во млекото натопено со квасец. Состојките се мешаат со лажица или дрвена лажица за мешање додека не почне да се формира грубо тесто.
Набрашнете ја чистата површина и ставете го тестото врз неа. Месете го тестото околу 5-7 минути додека не стане еластично. Ако имате мед од липа, додајте една лажица за вкус. Ако тестото е премногу лепливо, можете да додадете уште малку брашно.
Замесеното тесто вратете го во садот за матење. Покријте го садот со чиста кујнска крпа или пластична фолија. Оставете го тестото да одмори и стасува 30-40 минути на собна температура. За тоа време тестото треба да се удвои во големина.
Откако смесата нараснувала 40 минути, откријте го тестото и удрете го за да се ослободи вишокот воздух.
Уште еднаш набрашнете ги рацете и чистата површина за да не се лепи тестото на неа. Земете го тестото и обликувајте го во долг, дебел колбас, со дијаметар приближно 2,5 cm. Со нож или секач за тесто исечете го тестото на мали парчиња со еднаква големина, долги околу 2,5-3 см. Можете да изберете традиционален дијамант или тркалезна форма, или да бидете креативни и да пробате различни форми ако сакате.
Во длабока тава или тенџере со дебело дно додајте го маслото за пржење и загрејте го на средно силен оган. Маслото треба да биде жешко, но да не чади.
Внимателно ставете неколку парчиња исечено тесто во врелото масло, внимавајќи да не се преполни тавата. Баурсаките се пржат додека не заруменеат од сите страни. Овој процес би требало да трае приближно 2-3 минути по серија.
Ставете ги свежо пржените баурсаки на чинија обложена со хартиени крпи за да го впијат преостанатото масло.
Слаткиот башкирски баурсак најдобро се конзумира топол и свеж. Можете исто така да посипете шеќер во прав или да капнете мед или кондензирано млеко преку баурсакот за да ја подобрите нивната блажина или едноставно да уживате во нив такви какви што се.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче