Вкусни кифлички со желе бонбони од моето советско детство (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Спомените од детството се најмагични, а и храната тогаш изгледаше повкусно отколку денес. Ние во нашето семејство бескрајно уживаме да го слушаме тато како зборува за десертите од советската ера. Еден од нив се и кифличките со тесто од блага урда (на руски се нарекува „творог“).

Претпоставувам дека рецептот за кифлички прво бил објавен во некое женско списание, како што е списанието „Работница“ (Работничка), а потоа се проширил меѓу домаќинките, за повторно да биде запишан во готвачите.

Овие кифлички се колачиња во вид на мали кроасани посипани со шеќер. Тајната на нивната популарност е во тоа што од едноставни и достапни состојки можете брзо да направите прекрасен деликатес. Подготовката е толку едноставна што и дете може да ги направи.

Кифличките се топат во устата штом ќе ги извадите од рерна. Имаат текстура помеѓу печиво и лиснато тесто. Ако тестото го посипете со шеќер и го свиткате како кифлички, тие ќе бидат крцкави. А ако додадете фил, внатре ќе станат малку влажни.

Тато вели дека тетка му ги правела со желе бонбони. Домашните колачиња не можат да се споредат со нив. Мајка ми сака да ги полни со фил од кристал шеќер и цимет.

Овој рецепт за кифлички со желе бонбони веќе долго време го имам во мојата книга со рецепти.

Состојки (за 16 кифлички):

Јулија Мулино

• Блага урда (30% млечна маст) – 200 г
• Путер – 200 г
• Брашно – 300 г
• Жолчки – 2 парчиња
• Ванилин шеќер – 1 лажица
• Сол – прстофат
• Желе бомбони – 200 г

За премачкување:

• Млеко – 2 лажици
• Шеќер – 3 лажици

Подготовка:

1. Благата урда се пасира низ цедалка, се додава во брашното и се меша.

Јулија Мулино

2. Се додава путерот исечен на коцки.

Јулија Мулино

3. Масата се соединува со прсти за да биде растресита.

Јулија Мулино

4. Се додаваат жолчките.

Јулија Мулино

5. Тестото се замесува, се завиткува со самолеплива фолија и се остава во фрижидер еден час.

Јулија Мулино

6. Тестото се развлекува со сукало во круг и се сече на триаголници како за пица.

Јулија Мулино

7. Желе бомбоните се сечат на лентички.

Јулија Мулино

8. Парченце желе бомбона се става на широката страна на триаголникот и се замотува во кифличка.

Јулија Мулино

9. Се премачкува со млеко и се потопува во кристал шеќер.

Јулија Мулино

10. Се пече околу 30 минути во рерна загреана на 190 степени Целзиусови.

Јулија Мулино

11. Се служат топли или ладни.

Јулија Мулино

И не заборавајте да експериментирате са филовите!

При користење на материјалите на Russia Beyond задолжителен е хиперлинк до изворот од кој е преземен материјалот.