Како тоа болшевичката власт не ја гибаше мајката на својот најлут непријател?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Се викаше Марија Дмитриевна Врангел и беше мајка на баронот Петар Николаевич Врангел, еден од главните противници на советската власт за време на граѓанската војна.

Мајката на Петар Марија Врангел

Public domain

Додека нејзиниот син се бореше против Црвените на југот на земјата, баронесата Врангел живееше во Петроград (Санкт Петербург). А бидејќи не стигна на време да избега од Русија, беше принудена да се вработи како научен соработник во Музејот на градот во Аничковиот дворец.  

Таткото на Петар Николај Врангел

Public domain

„И покрај сите ужаси на животот и мојата особено деликатна лична ситуација, за чудо преживеав“, се сеќава Марија Дмитриевна. „Живеев под моето презиме, не беше можно да го сменам бидејќи многу луѓе ме познаваа. Но во мојата работничка книшка, која служеше наместо пасош, пишуваше: Врангел, службеничка.

Петар Врангел

Public domain

Генералот Врангел беше многу важна фигура во антиболшевичкиот штаб, командуваше со дивизии, корпуси, па дури и со армии. Меѓутоа, советската власт не презеде никакви мерки против неговата мајка, иако во тоа време беа уапсени многу роднини на помалку познати белогардејци.

Мајката на Петар Марија Врангел

Public domain

Ситуацијата се промени за баронесата во април 1920 година, кога Петар Врангел ја прифати должноста на „владетел и врховен командант на вооружените сили на југот на Русија“. Неговото име почна често да се појавува во советските весници, на ѕидовите на куќите се појавија карикатури и апели да се уништи „белогардејскиот демон“.

Петар Врангел

Public domain

Дури ни тогаш властите не ја гибаа Марија Дмитриевна, но таа знаеше дека тоа нема долго да трае. Пријателите ѝ помогнаа да се пресели во предградието на Петроград каде што живееше некое време како сликарката Веронели.

Петар Врангел

Public domain

Кон крајот на октомври 1920 година баронесата Врангел ја искористи можноста да избега „од тие ѕверови“ во Финска. Неколку недели подоцна и нејзиниот син со остатоците од неговата поразена војска засекогаш ја напушти Русија.

Плакат, карикатура

Public domain

При користење на материјалите на Russia Beyond задолжителен е хиперлинк до изворот од кој е преземен материјалот.