Царското семејство Романови во БОЈА (ФОТОГРАФИИ)

• Ве очекуваме на Телеграм-каналот https://t.me/rb_makedonija
• Сите наши најнови и најактуелни текстови пристигнуваат директно на вашиот паметен телефон! Ако „Фејсбук“ одбива да ги споделува нашите објави, со „Телеграм“ сме секогаш со вас!
• Вклучете го во пребарувачот „Show notifications“ (дозволи известувања) за нашиот сајт!

На стари црно-бели фотографии луѓето изгледаат како да живееле во праисториско време и тешко е да се замисли какви биле во реалноста. Олга Ширнина, позната на интернет под прекарот Klimbim, им вдахна нов живот на старите снимки од царското семејство. Оваа уметница се занимава со многу сензитивна работа - бои црно-бели фотографии и се труди тие бои да бидат максимално веродостојни врз основа на историски извори.

Благодарение на ваквите фотографии во боја, може подобро да се замисли како навистина изгледала една историска личност. Од ателјето на Олга веќе излегоа неверојатни серии на херои од Втората светска војна, руски писатели и сцени од раниот советски период. Посебно е возбудливо да се видат на фотографии во боја децата на последниот руски цар, со оглед на нивната маченичка смрт.  

Царот Николај II Романов со семејството, 1914.

Public domain, color by Klimbim

Најстарата ќерка на царот Николај II и царицата Александра Фјодоровна беше великата кнегиња Олга. Таа дојде на свет во 1895 година, две години по свадбата. Според очевидци, царицата доживеала страшни маки на породувањето.

Public domain, color by Klimbim

Дворската дама на царицата вака ја опишува малата Олга: „Имаше преубава светла коса, големи сини очи и прекрасен тен, малку прчесто носе, на татко ѝ“.

Public domain, color by Klimbim

Олга на омилената јахта на царот Николај II „Штандарт“.

Public domain, color by Klimbim

Олга беше единствената ќерка која можеше да им спротивстави на родителите.

Public domain, color by Klimbim

Олга многу убаво се дружеше со помалата сестра Татјана (на фотографијата лево).

Public domain, color by Klimbim

Татјана е родена 1897 година. Беше скромна по природа. Се зборува дека ќе се посрамела дури и кога некој би ѝ се обратил со зборовите „Ваше императорско величество“.

Public domain, color by Klimbim

Татјана (на фотографијата десно) ги имаше сите шанси да се омажи за Александар, синот на српскиот крал Петар I, но Првата светска војна ги осуети плановите на рускиот и српскиот владетел да се ородат.  

Public domain, color by Klimbim

Од сите царски ќерки Татјана беше најприврзаната кон мајка ѝ.

Public domain, color by Klimbim

Олга и Татјана (во средина) работеа како милосрдни сестри за Црвениот крст во текот на Првата светска војна. По наредба на царот, одаите на дворецот во Царско Село беа преуредени во болница за ранетите.  

Public domain, color by Klimbim

Царското семејство на летување во Гатчина, 1912.

Public domain, color by Klimbim

Третата ќерка беше великата кнегиња Марија. Таа беше родена 1899 година.

Public domain, color by Klimbim

Луѓето од опкружувањето на царот подоцна зборуваа дека Марија била едноставна и често се насмевнувала. На фотографијата Марија (лево) со Олга.

Public domain, color by Klimbim

Царската дворска дама вака ја опишува Марија: „Слободно може да се каже дека таа е руска убавица. Висока, полничка, со густи и изразени веѓи, со руменило на отвореното руско лице, беше особена драга на руското срце“.

Public domain, color by Klimbim

Великите кнегињи берат печурки во шума, 1912.

Public domain, color by Klimbim

Олга, Татјана, Марија и натпоручникот на Царската гарда Николај Родионов.

Public domain, color by Klimbim

Четвртата ќерка на царот Николај и царицата Александра беше Анастасија, родена 1901 година.

Public domain, color by Klimbim

Анастасија е можеби и најпозната ќерка на царот Николај бидејќи имаше многу „самозвани принцези“ кои се претставуваа како „преживеаната Анастасија“. Легендата за тоа дека единствено таа го преживеа стрелањето на царското семејство остави голема трага во масовната култура. На таа тема се направени многу играни и цртани филмови. (На фотографијата Анастасија на јахтата „Штандарт“)

Public domain, color by Klimbim

По четири ќерки брачниот пар конечно доби син – во 1904 година на свет дојде принцот Алексеј.

Public domain, color by Klimbim

Меѓутоа, радоста беше помрачена од веста дека момчето боледува од хемофилија, т.е. пореметување во згрутчувањето на крвта. Таа дијагноза на почетокот на ХХ век беше исто како смртна пресуда.

Public domain, color by Klimbim

Единствениот човек кој можеше да го запре крварењето на малиот принц (а истовремено и хистеричната возбуда на царицата-мајка) беше Григориј Распутин, сибирски селанец кој на општо незадоволство на високото општество стана пријател на царското семејство.

Public domain, color by Klimbim

И покрај болеста, Алексеј сакаше сè што беше поврзано со армијата. Носеше мундир, јадеше едноставна храна, „шчи, каша и црн леб, кои ги јадат сите мои војници“. Дури се обидуваше да помине и некои делови од воената обука.

Public domain, color by Klimbim

По возраст: Олга, Татјана, Марија, Анастасија и Алексеј.

Public domain, color by Klimbim

Олга, Татјана, Марија и Анастасија 1916 година.

Public domain, color by Klimbim

Великите кнегињи со мајката Александра Фјодоровна.

Public domain, color by Klimbim

При користење на материјалите на Russia Beyond задолжителен е хиперлинк до изворот од кој е преземен материјалот.