ФОТОГАЛЕРИЈА: Од куќарката на Петар Први до вилата на Горбачов

Летниот дворец на Петар Први, Санкт Петербург

Година на изградба: 1710-1714

Дом на: Петар Први

Пред да никне Санкт Петербург од мочуриштето, на брегот на реката Нева имало само една царска куќарка. Петар Велики немал ништо против животот во скромни услови, па дури и кога се отселил од таа куќарка, не отишол понатаму од овој двокатен летен „дворец“.

Дворецот на Екатерина, Царское село

Година на изградба: 1717-17124, обновен 1752-1756

Дом на: Екатерина Прва, Елисавета Прва, Екатерина Втора

Дворецот во Пушкино (претходно Царское село, 30 километри јужно од Санкт Петербург) го има добиено денешниот изглед во времето на Елисавета Петровна и е пример за најголем луксуз. Има златна сала, ходник од 100 метри квадратни со царски портрети, одаја покриена со кинеска свила, огромна капела, златни статуи.

Зимски дворец, Санкт Петербург

Година на изградба: 1757-1762

Дом на: Официјално сите руски цареви

Зимскиот дворец, сега главната зграда на музејот Ермитаж, е изграден во 18 век како резиденција на руските императори од Италијанецот Франческо Бартоломео Растрели.

Големиот царицински дворец, Москва

Година на изградба: 1786-1796

Дом на: Екатерина Втора

Првиот дворец во околината на Москва за Екатерина Велика е граден 9 години, урнат е во 1785 зашто на Екатерина ѝ се чинело дека собите се премногу мрачни. Изградбата на новиот дворец ја запрел нејзиниот син Павел и завршена е дури во 2007 година.

Резиденцијата на Екатерина во Москва сега се наоѓа во самиот центар на прекрасниот парк Царицино на југот од Москва.

Александров дворец, Царское село

Година на изградба: 1792-1796

Дом на: Александар Први, Николај Први, Александар Трети, Николај Втори

Се наоѓа во Царское село покрај дворецот на Екатерина и служел како летна куќа на Романови во 19 век и како постојана резиденција на Николај Втори.

Михајловски замок, Санкт Петербург

Година на изградба: 1797-1801

Дом на: Павел Први

Синот на Екатерина Втора – Павел, ја планирал оваа прекрасна градба цели 15 години пред да го преземе тронот. Царот се преселил во дворецот кој конечно бил завршен во 1801 година и по 40 дена живот во него бил убиен.

Ливадиски дворец, Крим

Година на изградба: 1861 (обновен 1909-1911)

Дом на: Александар Втори, Александар Трети, Николај Втори

Ливадија е населба на јужниот дел од Крим, недалеку од Јалта, и уште во средината на 19 век станала популарно одморалиште, благодарение на развојот на железницата и на климата за која лекарите сметале дека е лековита. Имотот во Ливадија во 1861 година го купил Александар Втори и таму за својата сопруга го изградил Големиот дворец. Наскоро недалеку од него се појавил дворецот за наследникот, каде Александар Трети често престојувал и каде умрел.

Сенатскиот дворец во Кремљ, Москва

Година на изградба: 1776-1787

Дом на: Владимир Ленин

Кабинетот и станот на Ленин се наоѓале на третиот кат на Сенатскиот дворец. Во него тој ги минал годините на Граѓанската војна. Овие простории до 1994 година го задржале изгледот што го имале од времето на водачот на револуцијата.

Имотот Горки, Москва

Година на изградба: почеток на 19 век

Дом на: Владимир Ленин

Во овој дом од 19 век болшевичкиот лидер се преселил кога последен пат се разболел во мај 1923 година.

Домот во Кунцево, Москва

Година на изградба: 1933-1934

Дом на: Јосиф Сталин

Во желбата да побегне подалеку од Москва, Сталин во 1933 година наредил да му се изгради куќа со седум соби на западот од градот. Таму ги минал последните две децении од животот, ги примил во него Мао Ѕедунг и Винстон Черчил.

Куќата на улица Косигина бр.32, Москва

Година на изградба: 1955

Дом на: Никита Хрушчов

Домот на Хрушчов со поглед на Ленинските гори (денес Воробјови гори) е целиот во мермер и во скапо дрво, а портата е од челик.

Зградата на Кутузовска авенија број 26, Москва

Година на изградба: Втората половина на педесеттите години од минатиот век

Дом на: Леонид Брежњев, Јуриј Андропов

Станот на Брежњев од 54 метри квадратни се наоѓал веднаш под станот на шефот на КГБ и иден генерален секретар на ЦК КПСС Јуриј Андропов. Станот во 2003 година беше продаден за 620.000 американски долари (двапати повеќе од пазарната вредност).

Викендичката во Завидово, Тверска област

Година на изградба: Почетокот на шеесеттите години од минатиот век

Дом на: Леонид Брежњев

Омилената викендичка на Брежњев се наоѓа во националниот парк Завидово, 130 километри северно од Москва. Од оваа куќа Брежњев одел на лов на дивеч, а имал и мермерни подови, кино, соба за билјард и 12 луксузни спални соби.

Зградата на Гранитниот сокак бр. 10, Москва

Година на изградба: 1978

Дом на: Леонид Брежњев, Михаил Горбачов

Удобните станови во оваа зграда ги користел најпрво Леонид Брежњев, а потоа и Горбачов во периодот од 1984 до 1985 година.

Зградата на улица Косигина бр. 10, Москва

Година на изградба: 1986

Дом на: Михаил Горбачов

Оваа зграда подоцна ја купи познатиот руски композитор Игор Крутој за 15 милиони американски долари.

Викендичката Зарја, Форос, Крим

Година на изградба: 1986-1988

Дом на: Михаил Горбачов

Изградбата на трикатната викендичка на брегот на Црно море чинела околу 20 милиони американски долари. Горбачов ја користел како затворена плажа, солариум на покривот, киносала, дискотека и тениски терени и одел по мермерен под.