Во ЕУ продадени повеќе автомобили „Лада“ отколку „Бентли“, „Бугати“ и „Ламборгини“ заедно

Sebastian Geisler/Global Look Press
Продажбата на автомобили од марката „Лада“ во Европската Унија во 2017 година пораснала за 28,9% во однос на 2016, соопшти агенцијата „Автостат“ повикувајќи се на податоците за продажба на автомобили на европскиот пазар кои ги објави Асоцијацијата на европски производители на автомобили АСЕА.

Претворено во бројки во Европската Унија се продадени вкупно 5167 возила од марката „Лада“ на производителот АвтоВАЗ. Како што истакнува „Автостат“, и покрај растот, обемот не е голем, а уделот на руски автомобили во вкупната продажба изнесува само 0,03%, што се податоци кои АСЕА не ги обработува, пренесуваат руските медиуми.

Сепак, во ЕУ се продадени малку повеќе „Лади“ отколку автомобили од марките „Бентли“, „Бугати“ и „Ламборгини“ заедно.

Аналитичарите истакнуваат дека растот на продажбата на „Лада“ на европскиот пазар минатата година е поврзан со појавата на седанот „Лада Веста“ во Австрија, Бугарија, Унгарија, Германија и Литванија. „Лада“ е сѐ попопуларна во Германија со значително порасната продажба во 2017 година (2600 возила, во однос на 3000 автомобили од премиум марката „Лексус“). Најбаран беше теренецот Lada 4×4. 

На интернет денес се појавија првите фотографи од обновената „Лада Гранта“, а се соопштува и дека Lada Vesta Sport добила нов тапацир во црна боја, кој се вградува само во луксузните варијанти на автомобилот или се плаќа дополнително.

Прочитајте за првакот на рускиот извоз - „Лада Нива“

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња