Зошто во Русија се верувало дека 29 февруари носи несреќа?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Тие верувале дека божеството наречено Касјан носи постојани несреќи, па му додавале соодветни епитети: Касјан Немилостивиот, Касјан Завидливиот, Ќоравиот Касјан, Касјан Одмаздољубивиот.

Икона на Јован Касијан

Public domain

Сметале дека тој фамозен Касјан може да изгори човек со поглед и да го претвори во пепел, дека господари со ветровите кои ги држи под 12 катанци и може да ги испрати на земјата кога сака и дека има моќ да ги зарази луѓето и добитокот со болести. Некаде се споменува дури и верувањето дека Касјан му служи на Сатаната и дека е чувар на портите на Пеколот. Поради тоа Господ наводно наредил Касјан три години по ред да го удираат со чекан по челото, а четврта година да го пуштат на Земјата.

И. В. Лавов. „Касјанов ден“, разгледница

Public Domain

Затоа многумина избегнувале да организираат венчавки на Касјанов ден и се труделе да не излегуваат од дома доколку не е апсолутно неопходно, ништо не работеле и не пуштале в куќи непознати патници-намерници, а во шталите закачувале амајлии. Некои се плашеле да ги извршуваат домашните работи пред изгрејсонце, сметајќи дека тоа е најопасното време од денот и се труделе да спијат и да не стануваат од кревет до ручек. Се верувало дека родените на 29 февруари ќе ги следи несреќа. Тој ден не зборувале што планираат да направат, верувајќи дека тоа сигурно нема да се оствари.

mbbirdy/Getty Images

Дали верувате во „денови што носат несреќа“? :)

При користење на материјалите на Russia Beyond задолжителен е хиперлинк до изворот од кој е преземен материјалот.