Не пропуштајте!
Придружете се на Russia Beyond на Телеграм за повеќе есклузивни содржини
Музејот се наоѓа на пресекот на главните културни рути на главниот град - во улицата „Мјасницкаја“. Недалеку од него се наоѓаат бројни галерии, музеи и театри, а Кремљ е на 10 минути пешачење.
Буквално преку патот на музејот се наоѓа една од најважните туристички локации - познатата чајџилница на трговецот Перлов, изградена во кинески стил. Вниманието веднаш го привлекува визуелниот контраст помеѓу егзотичната фасада на продавницата и огромните излози на музејот низ кои се гледа изложбениот простор.
Новиот музеј е посветен на руската уметност од 1950-тите до 1980-тите, која во тоа време не беше официјално признаена. Во музејот се претставени делата на Анатолиј Зверев, Игор Вулок, Јуриј Злотников, Владимир Јаковлев, Игор Шелковски, Алексеј Каменски и други уметници од колекцијата на Надежда Брикина.
Како позната галеристка, повеќе од триесет години таа ги собира делата на овие автори, нарекувајќи го нивното творештво „силна уметност“. Имено, нејзините претставници создаваа и покрај системот, без можност официјално да изложуваат.
Покрај уметниците-антиконформисти, во колекцијата на музејот се претставени и делата на нивните ученици и следбеници, кои продолжија да ги развиваат нивните идеи до нашите денови: Олга и Олег Татаринцеви, Владимир Соскиев, Михаил Крунов.
Музејот е организиран во комори. Во сутеренот е постојаната поставка, а во приземјето простор за привремени изложби. Благодарение на таквиот распоред, можете внимателно да ја проучувате колекцијата без брзање, без страв од гужви.
Организаторите ветуваат дека изложбите во музејот ќе се менуваат четири пати годишно. Во моментов можете да се запознаете со творештвото на Марлен Шпиндлер.
На изложбата „Во пресрет на празниците“ се претставени педесетина негови дела од различни години. Уметникот ја комбинираше официјалната работа во сферата на индустриската графика и производството на трговски жигови со креативноста „за себе“ и „по желба на душата“. Меѓу другото, претставена е и неговата потрага по иконографски „ликови“. Всушност, Шпиндлер го сметал Андреј Рубљов за свој учител и создал своевидни фрески, правејќи ги боите самостојно, а понекогаш и користејќи платно од јута како основа.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче