7 руски музеи кои закачија огромни колекции на Интернет

Getty Images, Legion Media
Не мора да летате до Москва или до Санкт Петербург (а периодов не ни можете) за да ги посетите овие музеи. Нивните дигитализирани и се достапни на Интернет - бесплатно!

Државен музеј Ермитаж

Еден од најголемите и најпознатите музеи во светот не може да се разгледа со една посета, дури и ако поминете цел ден таму. Наместо тоа, обидете се да ги „шетате“ неговите навидум бесконечни сали чекор по чекор со помош на Google Art Project. Може да го видите и преку веб-страницата на Ермитаж, каде е поставена дигитална архива со многу удобна навигација во жанрови и титули.

Во делот „Акценти“ ќе ги најдете сите најважни и ретки предмети што треба да ги знаете од колекцијата „Ермитаж“: слики од познати руски и странски уметници, јајца Фаберже, избрани скулптури и накит.

Третјаковска галерија

Друг многу важен руски музеј што треба да го посетите барем еднаш во животот - барем преку Интернет. Тоа е дом на некои од најпопуларните слики од најпознатите руски уметници. Во суштина, тука се чува главното руско национално богатство на ликовната уметност.

Затоа, прошетајте со Google во 3D или проверете ја нивната официјална веб-страница, на која прикачено приближно 180.000 дигитализирани експонати од колекцијата на галеријата. Патем, Интернет-галеријата е на 12 странски јазици, додека офлајн е достапна само на руски и на англиски јазик!

Државен руски музеј

Друг фонд на национални богатства на Русија е распространет низ неколку згради во Санкт Петербург, но нејзината верзија на Интернет ви овозможува да ги видите најважните, без да мора да патувате на овие големи растојанија. И сè е категоризирано според историски периоди и видови уметности.

Во исто време, управувањето со Гугл Арт Проект обезбедува 3Д обиколка на главната зграда на Рускиот музеј – Михајловската палата.

Државен музеј за ликовни уметности „А.С. Пушкин“

Од артефактите на сумерската цивилизација до античките египетски и антички грчки скулптури и архитектура – овој музеј е првиот од ваков вид во Русија и беше отворен за време на Николај Втори. Ја поседува најголемата колекција на совршено изработени копии кои им даваа и сè уште им даваат на Русите неверојатна шанса да видат како изгледаат најважните богатства во светот.

Можете да прошетате низ просториите на музејот користејќи го Google Art Project или да направите убава и интерактивна виртуелна турнеја на нивната веб-страница (достапна на различни јазици).

Музеј на космонаутиката

Дали сакате да влезете на Меѓународната вселенска станица, да ги разгледате космонаутските костими на различни легенди во вселената и да го истражувате простор на многу различни начини? Па, целата оваа „забава“ е можна со водичот на Google Art Project.

Музејот исто така има голема колекција фотографии и портрети на космонаути и астронаути, како и некои од нивните лични работи.

Мултимедијален музеј на уметност, Москва (поранешен Дом на фотографија во Москва)

Музејот започна голем проект преку Интернет наречен „Русија во фотографии“, каде се прикачени над 100.000 фотографии од неговата архива. Корисниците ја поддржаа иницијативата и сè уште продолжуваат да поставуваат фотографии од нивните лични колекции.

На веб-страницата има убави опции за тајминг каде можете да изберете една година и да гледате фотографии од тој специфичен временски период. Главниот проблем е што веб-страницата во моментов нема англиска верзија.

Музеј на филмска компанија Мосфилм

За љубителите на филмот ќе биде исклучително интересно да прошетаат на Гугл Арт Проект и да се запознаат со една од најголемите колекции на советски филмски постери, костуми, украси и познати предмети што биле користени во процесот на снимање. Музејот на најпознатото филмско студио во Русија има дури и колекција автомобили што се користеле во повеќе добропознати филмови.

Официјалната веб-страница на студиото ви овозможува да прошетате низ филмското студио. Таму можете да видите реквизити и комплети од сите видови филмови, како и тематски павилјони кои можат да се претворат во сè што потекнува од фантазијата на режисерот!

Ние ви даваме 5 причини да го посетите Историскиот музеј на Црвениот плоштад!

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња