Не пропуштајте!
Придружете се на Russia Beyond на Телеграм за повеќе есклузивни содржини
„Нека чуе мама, нека дојде мама “, пее кутрото мамутче кое преживеало со тоа што сосема случајно се одмрзнало од мразот. Тргнува на долг пат на санта мраз да ја бара мајка си. Од оваа песна на многу генерации им навираат солзи. Ја изведува Клара Румјанова, со чиј глас говорат триста јунаци од советските цртани филмови.
Ова е веројатно најпознатата советска и руска приспивна песна, која дури и денешните мајки обожаваат да им ја пеат на своите малечки. Песната „Спијат твоите соседи белите мечки, спиј и ти, спиј, малечко“ во изведба на Аида Ведишчева ја има слушнато секое дете барем еднаш пред спиење.
Публиката го засака овој цртан филм и поради музиката на Генадиј Гладков со елементи на рокенрол, и поради јунаците кои потсетуваат на хипици. Плочи со аудиоснимката од цртаниот филм се продаваа во милионски тираж. Песната за другарите која вели „нема ништо поубаво од талкање по светот со другарите“ ја изведуваат Трубадурот (Олег Анофриев) и хорот на Бременските музичари. Возрасните исто така уживаат да ја пеат на караоке.
Во овој хит од серијата цртани филмови за авантурите на Чебурашка и крокодилот Гена се пее за минливоста на животот и за надежта за подобро утре што нé очекува во иднина. Музиката за сите делови на цртаниот филм ја компонираше познатиот детски композитор Владимир Шаински, а зборовите ги напиша авторот на книгата Едуард Успенски. Песната ја отпеа Владимир Ферапонтов, иако гласот на крокодилот Гени го позајми Василиј Ливанов.
Многу популарна роденденска песна испеана од крокодилот Гена. Нему му е жал што тој ден доаѓа само еднаш годишно, но и покрај лошото време и поројниот дожд, тој е расположен и фантазира за тоа како ќе дојде волшебник, бесплатно ќе му прикаже филм и ќе му подари петстотини сладоледи. , т.е. дека ќе исполни сè за што сонува секое советско дете.
Ова е весела новогодишна песна која ја пеат Зајакот (Клара Румјанова) и Волкот (Анатолиј Папанов). Ситуацијата е комична затоа што Зајакот се преоблекол во Дедо Мраз, а Волкот во Снежана. Во песната се повторува називот на цртаниот филм затоа што на предлог на Дедо Мраз (Зајакот) да излезе и да танцува, Волкот ја пее „Не, Дедо Мраз, ќе видиш ти“.
Многумина речиси и не се сеќаваат на овој цртан филм за Мечето, Ежето и Зајакот, но затоа песната во изведба на Клара Румјанова стана многу позната и популарна. Тројцата другари ги прашуваат облаците каде им се брза и ги замолуваат да ги повозат по небото.
Оваа песна во цртаниот филм, стилизиран во духот на руската бајка, ја пеат четворицата јунаци - принцезата Забава, нејзиниот татко-крал, Полкан кој сонува таа да му биде жена заради богатството и власта, и обичен оџачар. Секој пее за своите соништа и секој си ја замислува среќата на свој начин, но секој го пее истото: „Ах, да ми се оствари сонот! Каков живот би дошол тогаш!“.
Ретко кој сé уште се сеќава на приказната за мечето Димка и мачето Тимка. Овој куклен филм е наменет за многу мали деца. Меѓутоа, сите ја знаат песната за тоа каков треба да биде вистински другар: „Другарот нема да те остави во неволја, и нема да поставува непотребни прашања!“
Ова е уште една песна која стана популарна независно од цртаниот филм. Секое мало дете во Русија знае дека „од насмевка тмурниот ден станува посветол“ и дека треба да ја споделите насмевката за таа „да ви се врати уште многу пати“.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче