Ова е Евгенија Кузмина, актерка во филмовите на Гај Ричи и сопруга на директорот на „Мирамакс“

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

На црвениот тепих на 76 Кански филмски фестивал се појавија многу ѕвезди, меѓу кои и Евгенија Кузмина во гламурозен фустан на модната куќа Vivienna Lorikeet. Таа е американска актерка и манекенка со руско потекло, сопруга на продуцентот и директор на студиото „Мирамакс“ Бил Блок. Некои ја споредуваат со младата Ким Бејсингер, а ние решивме да ви ја претставиме подетално.

Фотографија од Канскиот фестивал 2023.

Pascal Le Segretain/Getty Images

Евгенија Кузмина е родена во Москва 1981 година. Нејзиниот татко, Игор Кузмин, беше нуклеарен физичар и работеше на елиминирање на последиците од катастрофата во Чернобил. Тој беше десна рака на Валериј Легасов во владината комисија за истражување на оваа несреќа. Мајка ѝ е домаќинка. Уште од раното детство Евгенија се занимаваше со лизгање, па дури и размислуваше за спортска кариера, но беше премногу привлечна за да остане незабележана во светот на високата мода.

2007.

Patrick McMullan/Getty Images

На 13-годишна возраст девојчето го забележа рускиот моден дизајнер Вјачеслав Зајцев. Така започна нејзината кариера во светот на модата. Освен на модни ревии, таа се појавуваше во реклами и руски забавни телевизиски емисии.

2009.

Andrew H. Walker/Getty Images

Набрзо Кузмина доби улога во филм со Чак Норис. Но, не можеше да излезе од земјата и да оди на снимање. Според неа, не добила дозвола поради работата на нејзиниот татко, која беше упатен во државни тајни од времето на Студената војна.

2013. Со Бил Блок

Kevin Winter/Getty Images

Сепак, Евгенија после тоа не остана долго на постсоветските простори. 15-годишната Кузмина ја забележа агент од Париз и таа се пресели таму, започнувајќи блескава европска кариера. Во 2003 година почина татко ѝ па таа почна да заработува и да му помага на семејството.

Во Париз таа успешно го помина кастингот кај Ив Сен Лоран, што ѝ овозможи да се појави на модната писта покрај ѕвезди како Наоми Кембел, Клаудија Шифер и Карла Бруни.

2015.

Rochelle Brodin/Getty Images

Таа учествуваше и во ревијата на модната куќа Mugler, каде што се појави заедно со манекенките Жизел Бундхен и Иванка Трамп. Потпиша договори со бројни познати брендови: Prada, Gap, Dior, Cartier, Hermes, Armani, Loreal и други.

2016.

Rochelle Brodin/Getty Images

Кога имаше 21 година, го запозна филмскиот продуцент Бил Блок, кој во тоа време имаше 55 години. „Нé запозна мојата шефица Кети Форд. Беше многу шармантен, ги имаше сите тие паметни идеи за правење филмови. Мораше прилично долго време да ми се додворува: Бил дојде на моето снимање на Хаваите, таму се грижеше за целата екипа, ги водеше сите на ручек. Беше таков џентлмен“, рече таа во интервју за Daily Mail.

2016.

Frazer Harrison/Getty Images

Вљубениот пар се пресели на Холивуд Хилс, а седум години подоцна се венчаа. По свадбата Евгенија ги промени името и презимето и стана Паркер Блок.

2019.

Eamonn M. McCormack/Getty Images

Имаат три деца. Првпат забремени веднаш по потпишувањето на договорот со агенцијата Ford Models. Тоа можеше да значи крај (или барем долга пауза) за нејзината кариера. Но, Евгенија виде нови можности.

2021.

Amy Sussman/Getty Images

Во 2017 година Блок ја презеде директорската позиција во компанијата „Мирамакс“, која своевремено ја основаше Харви Вајнстин, и ѝ помогна на жена си да се појави во филмски хитови. Иако нејзините улоги се главно епизодни, нејзината филмографија веќе ги вклучува: „Шпионски град“, „Опасни мајки“, како и филмовите на Гај Ричи „Џентлмени“ и „Операција „Фортуна“. 

2022.

Andreas Rentz/Getty Images

Паралелно со нејзината филмска кариера, Кузмина започна да се занимава со уште една професија. Се проба како комичар. Во своите стенд-ап настапи се шегува на сметка на манекенството, а се појавува и во клубовите The Comedy Store, Laugh Factory, Improv и Flappers. Веќе ја обиколи Америка, а во 2022 година лансираше сопствено стенд-ап шоу „Models of Comedy“, во кое учествуваа и други манекенки. 

2022.

Mustafa Yalcin/Anadolu Agency/Getty Images

Една забавна случка која Евгенија сака да ја раскажува е поврзана со нејзината мајка. Мајка ѝ дошла во САД да ја посети ќерката, а инаку воопшто не била запознаена со холивудските филмови. Еднаш за малку ќе го претепала Џејсон Стејтам. „Џејсон е еден од најдобрите пријатели на мојот сопруг. Долго време се занимаваат со недвижнини и живеат во соседството. Еднаш, кога се породив, тој ни дојде на посета, а беше темно и маж ми не беше дома. Мама не познава никого во Холивуд и си помислила: кој е овој страшен човек што доаѓа овде ненајавено? И буквално зграпчила некој предмет за да го удри. Моравме да ја убедуваме дека не е криминалец“, изјави Евгенија.

2022.

Jon Kopaloff/Getty Images

При користење на материјалите на Russia Beyond задолжителен е хиперлинк до изворот од кој е преземен материјалот.