Како изгледаат руските градови во странските филмови и серии, а како во стварност? (ФОТО)

Matthew Ross/Elevated Films, 2018, Александар Юрјев/Sputnik
Јакутија без снег, Москва без луѓе и Санкт Петербург со јужњачка атмосфера изгледаат сосема нереалистично, зашто филмовите и сериите чие дејствија се случуваат во Русија обично се снимаат во некои други земји.

Поголемиот број странски филмови и серии кои се случуваат во Русија се всушност снимени во Источна Европа или дури во филмски студии. Во советско време поради „железната завеса“ беше тешко да се добие дозвола за снимање во Русија, а денес тоа е едноставно премногу скап потфат, од добивањето визи за сите учесници, па сè до блокирањето на улиците во Москва и во Санкт Петербург (кои се најбарани локации). Затоа руските градови обично се прикажани... нереално.

Ја споредивме Русија во неколку филмови и серии со реалноста во времето во кое е снимен филмот (или се одвива дејствието).

Да се убие Ив (2018)

Поголемиот дел од третата сезона од оваа телевизиска серија е сместен во Русија. Продуцентите никогаш не криеле дека Москва ја снимале во Романија, па руската престолнина изгледа како мало провинциско гратче. Празни улици, мали плоштади... А, што е со висококатниците, и модерните и советските?

Невозможна мисија: Протокол Дух (2011)

Во овој филм ја гледаме Обуховската улица или барем уличниот знак кој вели дека се наоѓаме таму. Според заплетот, Итан Хоук (лик што го глуми Том Круз) треба да добие „невозможна задача“ преку старата телефонска говорница, каква што не постоела во Москва во 2011 година! Можеби само го користеле телефонот на локацијата на снимањето, а тоа е Ванкувер во Канада? Обуховската улица е вистинска улица во Москва, а изгледа вака.

Хитмен: платениот убиец (2007)

Филмот го прикажува Санкт Петербург, но сите овие знаци и натписи на бугарски јазик изгледаат збунувачки. Не е ни чудо: Софија, престолнината на Бугарија, „ја играше улогата“ на Санкт Петербург.

Но, најбизарно е тоа што ја прикажаа Киевската железничка станица во Москва наместо Централната железничка станица во Санкт Петербург!

Браќата Блум (2008)

Дејствието на овој филм за двајца криминалци исто така делумно се довива во Санкт Петербург. Продуцентите навистина се потрудиле, дури и набавила соодветни таблици за колата. Меѓутоа, снимањето на руската северна престолнина на југот од Балканот (во Белград и во Црна Гора) беше ризична одлука. Доколку знаете некое место во Санкт Петербург со толку типична „јужњачка“ архитектура, задолжително известете нè!

Сибир (2018)

Филмот чие дејствие се одвива во Јакутија всушност е снимен во канандските градови Кукс Крик и Маркет. Затоа ликот што го игра Кијану Ривс може назима да шета во тенко капутче без капа. Во вистинскиот град Мирни во Јакутија такво нешто би било можно само налето.

Како Кијану Ривс го научи рускиот јазик

Хелбој (2004)

Што мислите, каде може да се најде гробот на Распутин? Кај Санкт Петербург, но во филмот Хелбој упорно го бараат во Волоколамск покрај Москва. Па, и тие гробишта во Волоколамск се снимени во Бугарија!

Транссибирска железница (2008)

Трилерот за авантурите на Транссибирската железница е снимен во Литванија. Па, кога ќе видите станицата во сибирскиот град Иркутск, немојте да им верувате на своите очи! Тоа е всушност Вилнус, престолнината на Литванија. А, Владивосток е снимен во Клајпеда. Продуцентите веројатно мислеле дека напуштените хангари во поранешната советска воена база ќе направат сцената да изгледа поуверливо!

Бонус:
„Притаено зло: Одмазда“ (2012)

Филмската екипа доби дозвола да снима во московското метро и можат да се видат сцени на Арбатската станица. Сè е оригинално!

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња