Средбата со писателот Евгениј Водолазкин беше на тема „Неколку размисли за современиот роман“.
Воведна реч за Водолазкин одржа проф. д-р Венко Андоновски.
Размислувањата на Водолазкин за многу прашања како што се романот, времето, животот и историјата, искажани со едноставен и ненаметлив стил, проткаен со спонатност и филозофија, побудија нескриен интерес кај присутните.
На настанот присуствуваше и амбасадорот на Руската Федерација Сергеј Александрович Баздникин.
Во оваа пригода на Евгениј Водолазкин му беше доделена наградата BookStar2019 за романот „Авијатичарот“.
Претходно, во вторникот, 8 октомври, во киното „Фросина“ во Младинскиот културен центар во Скопје беа промовирани неговите романи „Авијатичарот“, „Соловјов и Ларионов“ и „Лавр“.
Гостувањето на Водолазкин во Македонија беше во рамките на Фестивалот на европската литература „BookStar2019“ во организација на издавачката куќа „Антолог“.