Во Скопје се одбележува 100-годишнината од Октомвриската револуција

Вод војници. Подготовки за нападот врз Зимскиот дворец. Октомври 1917. Аптекарски остров. Петроград. Русија

Вод војници. Подготовки за нападот врз Зимскиот дворец. Октомври 1917. Аптекарски остров. Петроград. Русија

Russian Look/Global Look Press
По повод 100-годишнината од Октомвриската револуција неколку организации од Република Македонија организираа симболични настани со цел да се одбележи овој голем јубилеј.

Големата Октомвриска револуција е настан за кој се вели дека го сменил светот. По тој повод неколку организации во Република Македонија се вклучија во одбележувањето на 100-годишниот јубилеј на овој историски настан.

На 27 октомври Рускиот центар при УКИМ во рамките на својата програма за одбележување на 100-годишнината од Октомвриската револуција организираше проекција на филмот „Октомври“ (10 ден што го сменија светот) чии автори и режисери се Сергеј Ејзенштејн и Григориј Александров.

Во одбележувањето на овој настан се приклучи и Социјалниот центар „Дуња“, каде, исто така беа прикажани филмови на теми од Октомвриската револуција. Прикажани беа филмовите „Чапаев“ во режија на браќата Васиљеви, „Црвени“ („Reds“) на Ворен Бити и „Октомври“. По проекцијата на филмовите се одржаа и дискусии поврзани како со самите филмски дела, така и со Октомвриската револуција.

Вечерва со почеток од 20 часот и кафулето „Ње Ејџ“ својата руска вечер ја посветува на овој јубилеј. За таа цел во текот на четири часа ќе се слуша музика од времето на Октомвриската револуција, како и руски песни посветени на овој исклучителен настан за целиот свет.

Во петок, пак, во Рускиот центар при УКИМ со почеток од 19 часот се организира дискусија на тема „Октомвриска револуција: 100 години потоа“ на која воведничар и модератор ќе биде аташето за култура на Амбасадата на Руската Федерација во Република Македонија Михаил Лушин.

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе