„На Линија“: Како желните за пари македонски тинејџери ја разнишаа Америка

Главниот уредник на порталот „На Линија“ Виктор Мараховски се осврна на феноменот на „сајтовите со лажни вести“ и нивната улога во претседателските избори во САД. 

„Како што соопштуваат медиумите, поранешниот кандидат за претседател на САД Хилари Клинтон истапи (што по поразот на изборите едвај беше забележано) со изјава за важна социо-политичка тема.

Таа укажа на огромната опасност која за американското општество ја претставуваат тнр. „сајтови со лажни вести“. Изјавата уследи по еден инцидент во државата Вашингтон. Некој 35-годишен маж, чие име не е објавено, пристигнал во ресторанот-пицерија „Кометата Пинг-понг“ со автомат и почнал да му се заканува на персоналот. Не успеал да отвори оган и бил приведен од полицијата.

Како што се испостави по апсењето, граѓанинот прочитал на сајт со лажни вести соопштение дека мрежата „Кометата Пинг-понг“ е еден вид на „педофилски круг“ на чие чело се лично Х.Р. Клинтон и нејзините соработници, по што отишол да се справи со перверзните.

...Тука нешто е навистина чудно, драги читатели. На постоењето на мноштво псевдо-сајтови кои се занимаваат со ширење дезинформации во САД укажаа во текот на претседателската кампања.

„На Линија“: Руските хакери како розови змејови

Обично, овие сајтови делуваат на два начина. Првиот- го копираат изгледот на препознатливите новински изданија, крадат од нив статии, но малку ја извитоперуваат смислата и додаваат сензационални (врз основа на лажноста) наслови. Вториот – самите ги измислуваат сите вести.

Потоа на овие статии се намамуваат читателите преку социјалните мрежи.

Како што се утврди, значителен дел од овие сајтови - кои мошне силно влијаеја, според мислењето на демократите кои загубија, врз исходот на изборите во САД - емитувале текстови „за Трамп“ и „против Клинтон“ (со оцрнување на Трамп одлично се справуваа и „вистинските“ американски, британски, европски и други медиуми).

А сега - најзабавното. Без оглед на повиците дека зад сето тоа стои Кремљ, мошне брзо се дозна тажната вистина. И покрај фактот дека некои од веб-сајтовите се базирани во Русија, а дел во САД - тие се особено бројни во земји како што се Романија и Македонија. Така, во градот Велес (43 илјади жители) се откриени повеќе од 100 такви сајтови.

И нив ги одржуваат не „припадници на службите“, туку обични локални тинејџери кои едноставно заработуваат со кликање.

Откако откриле некаде во нивните тинејџерски посебни места нов начин за заработување, македонската младина го претвори провинциското гратче во важен јазол на граѓанската информациона војна во САД. Без било каков вид на политика - тие едноставно пресметале дека во ситуација на тотален информациски терор против кандидатот Трамп токму вестите за кандидатот Трамп треба добро да ѝ се „продаваат“ на јавноста.

Москва го повика Вашингтон да не си игра со оган

...И од сето ова, драги читатели, следуваат два интересни заклучоци.

Првиот: самиот факт дека информационата хегемонија на моќните американски медиуми може да ја поткопаат неколку стотици желни за пари тинејџери од една провинциска источноевропска земја која никој не ја знае – ја илустрира кревкоста на она што на многумина им се чини како современ светски систем.

И вториот: бидејќи оваа практика, се разбира, не може долго да трае - многу, многу скоро со тнр. слобода на ширење на информациите на интернет ќе мора да се збогуваме. Затоа што големите пристојни изданија, се разбира, исто така, лажат - но лагата која тие ја шират во крајна мера е сертифицирана одозгора со чесни луѓе со капитал и функции. А да се лаже „одоздола“, неорганизирано и со цел да се заработат пари за патики – тоа е некој вид на анархија и криминал.

Затоа веќе во блиска иднина ќе видиме како социјалните мрежи независно се сертифицираат од страна на медиумите, произволно правејќи поделба на такви кои „заслужуваат“ и „не заслужуваат“доверба.

И тоа на крајот ќе допре не само до лажните веб-сајтови, но и едноставно до оние, кои се „од улица“, кои не се во можност да платат и слично. Патем, треба да се размисли, темата за корупцијата на раководствата на социјалните мрежи исто така порано или подоцна ќе бидат предмет на информациони скандали“, заклучува Мараховски.

Сите права ги задржува „Росијскаја Газета“.