Десет факти за паркот „Горки“, најпопуларното место во Москва

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

1. Зазема површина од речиси 220 хектари на брегот на реката Москва

Летната градина

Емануил Евзерихин/МАММ/МДФ/russiainphoto.ru

Овој јавен простор, во народот познат како Паркот „Горки“ официјално се вика Централен парк на културата и одморот „Максим Горки“.

Александрински насип. Кримски мост (1912-1914).

Archive photo

Се наоѓа југозападно од центарот на главниот град и се протега по должината на свиокот на реката Москва. 

Прошетка

Алексеј Мајшев/Sputnik

Современиот парк „Горки“ се простира на речиси 220 хектари, ако се земат предвид и големите зелени површини на Нескучни Сад, Воробјови гори и Паркот на уметноста „Музеон“.

2. Постоел уште во времето на Руското царство

Летниковец на семејството Голицини, 1910-тите.

Archive photo

Историјатот на паркот „Горки“ започнува со формирањето на Нескучни Сад. Овде, на десниот брег на реката Москва, во XVIII век имало селски имоти на благородничките руски семејства - Голицини, Орлови и Трубецки. Имотот на Трубецки се викал Нескучное.

Паркот во 1931 година.

Бренсон Деку

Тука имало огромни градини во кои благородништвото од престолнината сакало да шета и за кое тука се организирале разни забави.

Паркот во 1931 година.

Бренсон Деку

Овие имоти биле откупени еден по друг од царот Николај I за да во текот на 1820-тите и 1830-тите го формира на тоа место Нескучни Сад и да изгради летен театар.

3. Тоа беше „излогот“ на советската власт

Голема земјоделска и занаетско-индустриска изложба

Сојуз на фотографските уметници на Русија/russiainphoto.ru

Нескучни Сад по револуцијата беше национализиран и отворен за јавноста. Во 1923 година таму се одржа првата голема земјоделска и занаетчиско-индустриска изложба.

Press photo

Тоа беше многу години пред за потребите на оваа изложба да биде изграден посебен парк, познат денес како ВДНХ. До ден-денес е зачуван павилјонот „Машини и алати“, конструктивистичка зграда во вид на шестоаголник. На негова реконструкција денеска работи Музејот на современа уметност „Гаража“ (прочитајте за тоа во продолжение).

Елка

Константин Кокошкин/Global Look Press

Со планирањето на идниот парк раководеше авангардниот архитект Константин Мељников, а во изградбата учествуваа и познати иновативни архитекти како Ел Лисицки, Алексеј Шчусев и Александар Власов. Познатиот лак на главниот влез е дизајниран во 1950-тите од Георгиј Шчуко.

4. Проектиран е и за одмор, и за култура

Одмор на веранда во Паркот на културата

Александр Родченко/МАММ/МДФ/russiainphoto.ru

Овде на 12 август 1928 година е отворен еден од првите советски паркови за култура и одмор. Имало кафулиња, танцови и спортски терени, висечки мрежи за лежење и сите други услови за рекреација на работниците.

„Сините блузи“ држат говор

Државен архив на филмски и фотографски документи, град Красногорск

Покрај рекреацијата, нивна обврска беше и културно да се издигнуваат. На пролетерите им се читаа „усни“ весници со најнови вести и пропагандни тимови држеа говори. Потоа, во 1934 година започна со работа Зелениот театар на отворено, кој можеше да прими 20000 луѓе.

Есен во паркот

Константин Кокошкин/Global Look Press

Во него се одржувани музички, театарски и циркуски претстави.

5. Го носи името на познат советски писател

Главната алеја во паркот

Иван Шагин/russiainphoto.ru

Во 1932 година паркот го доби името на познатиот советски писател Максим Горки, и тоа додека тој беше жив.

Латиноамерикански танц

Global Look Press

Тие години советската власт изгради цел култ на овој писател, така што и во други градови во СССР се појавуваа улици, паркови и плоштади именувани во негова чест.

Global Look Press

Дури и целиот град Нижни Новгород додека беше жив писателот го смени името и стана Горки.

6. Тука работеше првата падобранска кула

Падобранската кула

Архива на Александар Евгењевич Архипов/russiainphoto.ru

Во СССР во 1930-тите падобранството стана многу популарно, а во паркот „Горки“ се појави уникатна конструкција – падобранска кула.

Паркот во 1931 година.

Бренсон Деку

Тоа беше прилично популарна атракција. Секој можеше да скокне со падобран или да се спушти по спирален тобоган, седејќи на специјална подлога. Во 1950-тите кулата беше демонтирана од безбедносни причини, иако пред тоа слични конструкции се појавија низ СССР и во други земји.

7. Забавниот парк почна со работа во текот на 1990-тите

Забавниот парк на брегот на реката Москва

Владимир Вјаткин/Sputnik

Првата генерација деца родени по распадот на Советскиот Сојуз паркот „Горки“ ги асоцираше со шеќерна волна, крофни и, што е најважно, со примамливите атракции.  

Рингишпил

Дмитриј Коробејников/Sputnik

Во советско време овде имаше едноставни рингишпили, за од 1990-тите до почетокот на 2010-тите во паркот да бидат отворени мноштво нови забавни атракции. Тоа беше вистински руски „Дизниленд“.

Атракцијата „Брејкденс“

Андреј Соломонов/Sputnik

Во паркот имаше ролеркостер (еден вид воз кој оди по стрмни шини со многу кривини), како и соба на ужас и воден тобоган „Нијагара“. Имаше и летечки автомобили, трамболини, страшни кули со ротирачки кабини, „банџи џампинг“ над езерото и уште многу други нешта. Паркот имаше две панорамски тркала, поголемо и помало.

8. Реконструиран е во текот на 2010-тите

Превоз на макета на вселенскиот брод „Буран“ до ВДНХ

Владимир Астапкович/Sputnik

До почетокот на 2000-тите повеќето забавни атракции беа отстранети, советските павилјони беа запуштени, а самиот парк претставуваше прилично тажна глетка. Од мај 2011 година започнува обемна реконструкција на паркот, по што стана најпопуларното модерно дизајнирано катче во главниот град.

Видиковец со столбови во Паркот „Горки“

Александар Савин

Сега паркот има прекрасно дизајнирани пејзажи, велосипедски патеки, спортски терени, нови кафулиња, простор за коворкинг и бесплатен Wi-Fi.

9. Најважното московско лизгалиште

Лизгалиште

Емануил Евзерихин/МАММ/МДФ/russiainphoto.ru

Во советско време, патеките во паркот беа покривани со мраз за да може да се лизга на лизгалки. А во 2011 година беше опремено тогаш најголемото вештачко лизгалиште во Европа. За прв пат можеше да се ужива во лизгање без да се чека температурата да падне под нулата и сезоната траеше до средината на март.

Модерно лизгалиште денес

Артјом Житењов

Вкупната површина на сите патеки и ледената покривка на нив изнесуваше 15000 квадратни метри. Музика, шатори со чај и варено вино, топли соблекувални и изнајмување лизгалки - сето тоа беше во рамките на лизгалиштето и достапно за секого.

10. Музејот на современата уметност „Гаража“

Музеј на современа уметност „Гаража“

Во 2012 година во Паркот „Горки“ се пресели Музејот на современа уметност „Гаража“, една од најмодерните и највлијателните културни институции. Основан е во 2008 година од Дарја Жукова и Роман Абрамович. Во многу аспекти тој сега е одговорен за „културната рекреација“ на московјаните во паркот. Музејот организира разновидна изложбена програма, како и програма на предавања на различни теми.

Се наоѓа во поранешната ресторанска зграда „Годишни времиња“ (руски: „Времена года“), изградена во 1968 година. За потребите на музејот го реконструираше познатиот холандски архитект Рем Колхас со неговото биро ОМА. Поточно, Кулхас ја претвори руинираната советска зграда во модерен музеј, со тоа што успешно ги вклопи внимателно сочуваните детали од старата зграда во новиот дизајн. Една од карактеристиките на новиот музеј е делумно зачуваниот уникатен мозаик од советската ера.

При користење на материјалите на Russia Beyond задолжителен е хиперлинк до изворот од кој е преземен материјалот.