Каде и кога во Русија можете да ги видите најубавите цветни полиња? (ФОТО)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

1. Април: лале

Григориј Сисоев/Sputnik

Април е месец на полињата со лалиња во Калмикија. Најживописните полиња може да се видат во близина на езерото Манич-Гудило.

Патем, во главниот град на регионот, градот Елиста, од 1 до 30 април 2023 година се одржува годишниот Фестивал на лалето.

2. Крај на април: рододендрон

Кирил Кухмар/TASS

Во исто време, падините на Алтајските планини и бреговите на реките се облечени во нежно розова нијанса: таму цути рододендронот. Почетокот на цветањето ја отвора летната сезона во Алтајскиот крај.

А на 29 април 2023 година во туристичкиот комплекс „Бирјузоваја Катуњ“ (Тиркизна Катуњ) се одржува фестивалот „Цутење на рододендронот“.

3. Крај на април – мај: маслодајна репка

Виталиј Тимкив/Sputnik

Светложолтите полиња со маслодајна репка се популарни меѓу туристите и фотографите. Можат да се видат во многу региони:

- во Калининградската,  

- Ленинградската,  

- Брјанската,

- Курската,

- Псковската,

- Тулската,  

- Кемеровската област,

- на Крим,

- во Краснојарскиот

- и Алтајскиот крај.

Во некои региони маслодајната репка цвета и во јули.

Внимавајте: поленот останува на облеката.  

4. Мај: степски божур

Сергеј Малгавко/TASS

Степските божури не се толку бујни како градинарските, а понекогаш луѓето ги мешаат со лалиња.

Полиња со степски божури може да се видат во Ставрополската територија, Саратовската област и на Крим.

А во регионот Радишевскиот реон на Улјановската област во средината на мај секоја година се одржува фестивалот „Степски божур“.

5. Мај: булка (див афион)

Макс Ветров/Sputnik

Кон средината на мај степите на Кримскиот полуостров стануваат црвени. Посетете ги и фотографирајте ги во реонот на Бахчисарај, на ‘ртот Казантип, во полињата кај Балаклава и Инкерман, како и во степата помеѓу Феодосија и Керч.

Полиња со булки растат и во близина на Анапа, Астрахан и Краснодар.

6. Јуни и јули: лупин и лаванда

Сергеј Карпухин/TASS

Лупинот е по потекло од во Северна Америка. Се смета за плевел и практично се наоѓа во сите региони на Русија, дури и во зоната на тајгата. За другите полски растенија оваа билка претставува закана, бидејќи многу брзо се шири, но љубителите на фотосесии ги сакаат неговите полиња поради виолетовите, розовите и бели цветови. Нивното цветање започнува во јуни-јули.

Полињата со лаванда растат првенствено на југот на земјата.  

Константин Михаљчевски/Sputnik

Во Краснодарскиот крај – во Кримскиот реон, недалеку од Анапа, како и во Северниот реон - не може да се видат полиња со дива лаванда. Станува збор за приватни имоти кои можете да ги посетите доколку им платите на сопствениците или како дел од организирана тура.

Лавандата се одгледува и на Крим. Плантажи може да се видат во близина на Симферопол и Севастопол, на ‘ртот Тарханкут и во Бахчисарајскиот реон.

7. Јули и август: лотос

Виталиј Ањков/Sputnik

Лотосот расте:

- во регионот на Кубањ (на територијата на Краснодарскиот крај, Адигеја, Карачаево-Черкесија, западниот дел на Ставрополскиот крај),

- во Астраханската област (во делтата на Волга и на брегот на Каспиското езеро),  

- во Калмикија,  

- Курската,  

- Волгоградската област,

- на Далечниот Исток: во Приморскиот и Хабаровскиот крај и Амурската област.

Подетално за цветањето на лотосот дознајте тука.

При користење на материјалите на Russia Beyond задолжителен е хиперлинк до изворот од кој е преземен материјалот.