Србија купува од Русија нови ПВО-системи „Панцир“, а веќе доби „Корнети“ и тенкови

„Ги добивме „Корнетите“. Добивме тенкови, добивме оклопни транспортери и купуваме нови „Панцири“, рече Вулин во разговорот со министерот за одбрана на РФ Сергеј Шојгу.

Српскиот министер на рускиот министер за одбрана му пренесе „лични поздрави и голема благодарност од претседателот на Србија Александар Вучиќ за сите овие години на заедничка борба и развој на односите“.

„Сé што сме договориле јас и ти се реализира“, рече Вулин, обраќајќи му се на Шојгу.

Тој изјави дека министерот за одбрана на РФ е негов личен пријател и пријател на Србија. „Мој драг пријател. За мене е голема чест и големо задоволство што на новата должност имам чест и задоволство да се видам и да разговарам со тебе. Те сметам за пријател на Србија. И, како што често кажувам за западните медиуми, мој личен пријател. Тоа многу ги нервира нив, а мене многу ме радува“, изјави Вулин.

Како што соопштува „Интерфакс“, Русија во февруари 2020 година ѝ ги испорача на Србија сите шест договорени ПВО-системи „Панцир“.

Информативната служба на руската Федерална служба за военотехничка соработка (ФСВТС) на 26 ноември за „Интерфакс“ потврди дека Русија и Србија имаат договор за испорака на противтенковски ракетни системи „Корнет“.

Медиумите на 25 ноември соопштија, повикувајќи се на српскиот претседател Александар Вучиќ, дека на Србија ќе и бидат испорачани лансери и противоклопни ракети на системот „Корнет“ до крајот на 2021 година.

Претходно, во интервју за српските медиуми, шефот на ФСВТС, Дмитриј Шугаев изјави дека Москва и Белград последниве години тесно соработуваат на полето на воздухопловната и противвоздухопловната техника.

Србија во својот арсенал има авиони МиГ-29. Шест од овие моменти ѝ беа доставени на Србија од арсеналот на Министерството за одбрана на Русија, а исто така и хеликоптери „Ми“ и руски системи за ПВО. Реализирани се договорите за испорака на хеликоптери Ми-17В-5. Првата партија вакви летала пристигна во Србија уште во 2016 година, а во јуни 2018 година беше потпишан договор за испорака на хеликоптери Ми-35М, кои беа испорачани кон крајот на 2019 година“, рече Шугаев.

При користење на материјалите на Russia Beyond задолжителен е хиперлинк до изворот од кој е преземен материјалот.