„Пошта на Русија“ почнува со испорака на пратки со помош на роботи

Ова го објави порталот РБК, повикувајќи се на соопштение на компанијата.

Руските граѓани ќе можат да ја следат локацијата на роботот на мапа, а кога тој ќе ја испорача пратката на адресата, ќе добијат порака преку телефон. Потоа корисникот ќе добие контролен код што ќе го внесе во апликацијата, роботот ќе го отвори капакот, а примачот ќе ја преземе пратката.

Познато е дека растојанието на испораката може да биде до два километра од почетната точка. Услугата ќе може да се користи преку апликација на Android телефони, а почетната цена ќе биде една рубља, соопшти компанијата.

Претходно „Јандекс“ започна со автономна испорака на храна во Москва и Инополис кај Казањ. Во рускиот главен град овој вид испорака може да се користи во деловниот кварт „Бел плоштад“ кај метро-станицата „Белорускаја“. Порачките се испорачуваат од рестораните „Марукаме“,  Steak it Easy, Boston Seafood & Bar, Prime, Paul и Cheese Connection. Во Инополис и роботите, исто така, испорачуваат порачки од ресторан, но во иднина е планирано да се користат и за давање помош на жителите на градот.

При користење на материјалите на Russia Beyond задолжителен е хиперлинк до изворот од кој е преземен материјалот.