„Национален Интерес“ го нарече рускиот тенк Т-90М „чудовиште“

Производителот „Уралвагонзавод“ му испорача на нарачателот партија тенкови Т-90М „Пробој“ на први март. Информациите за бројот на испорачани возила, како ни тоа каде ќе бидат стационирани, не се соопштени.

„Национален Интерес“ им укажува на читателите дека Т-90М е значително побрз и поопасен од своите противници од истото семејство тенкови. Тоа е постигнато благодарение на новиот систем за управување со огнот „Калина“ со вграден комплекс за нишанење. Т-90 може да уништува цели без оглед на добата на денот, а универзалниот 125-мм топ да користи различна муниција, вклучувајќи и наведувани противтенковски ракети.

Моторот од 840 коњски сили, каков што имаше неговиот претходник, е заменет со оној од 1130 КС. Притоа тенкот Т-90М останува функционален дури и ако системот за управување со огнот закаже или снема напојување со струја.

Наведениот магазин претходно го нарече Т-90 „извозен хит“. Тенкот,  благодарение на збирот карактеристики како што се силата, ефикасноста, сигурноста и едноставноста на одржувањето, е многу популарен во војските ширум светот.

При користење на материјалите на Russia Beyond задолжителен е хиперлинк до изворот од кој е преземен материјалот.