Артилериски букет: „Акации“, „Лалиња“ и „Зумбули“ на маневри на Источниот воен округ (ВИДЕО)

Во Приморскиот и Хабаровскиот крај „замириса“ букет од артилериски орудија. На полигоните на Источниот воен округ излегоа „Акации“, „Лалиња“ и „Зумбули“ („Гиацинты“). Овие орудија вежбаат извршување задачи во рамките на извидувачкиот ударен комплекс.

На синхронизираните дејствија на маневрите им се придружија и повеќецевните ракетни лансери „Град“ и „Торнадо“. Гаѓањето со директно и полудиректно наведување се изведува од отворени и затворени позиции, а целта се командни позиции, објекти и живата сила на условниот непријател.

Артилериските орудија го изведуваат гаѓањето заедно со беспилотни летала. „Орлани“ од висина од 1,5-2 км во реално време го коригираат огнот, и тоа е работа во склоп на извидувачкиот ударен комплекс. Артилеријата од воздух ја покриваат хеликоптери Ка-52 „Алигатор“ кои со авионски проектили во слободен пад ги уништуваат целите на земја.

На заедничките маневри се ангажирани преку 1200 војници и околу 300 единици техника.

При користење на материјалите на Russia Beyond задолжителен е хиперлинк до изворот од кој е преземен материјалот.