Руската морнаричка авијација го доби првиот хидроавион-амфибија Бе-200ЧС

Скриншот / Youtube Артошка Тарантошка
Министерството за одбрана на Русија го доби првиот хидроавион-амфибија Бе-200ЧС. Церемонијата на примопредавањето на леталото, произведено во фабриката за авиони во Таганрог, се одржа на територијата на 859 Центар за борбена обука и преобука на летечкиот кадар на Морнаричката авијација на руската Воена морнарица.

Како што пренесува порталот AviaPressPhoto, новиот хидроавион го доби името по пилотот Александар Мамкин, кој 1944 година од територијата под германска окупација евакуираше околу 200 сирачиња и воспитувачи од Полоцкиот детски дом бр. 1. Руската морнаричка авијација вкупно ќе добие три спасувачки хидроавиони Бе-200ЧС со намена за гасење пожари.

Инаку, екипажот на оваа летечка амфибија го сочинуваат две лица, а во состојба е да транспортира до 43 лица. Максималната брзина на хидроавионот е 700 километри на час на висина од 7000 метри. Практичниот долет му е 3100 километри, максималната висина што ја достигнува 8100 метри, а брзината на искачување 8 метри во секунда.

Прочитајте повеќе: Нов руски авион-амфибија за спасувачи

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња