Прв на светот: Американците го оценија идниот руски беспилотен бомбардер

Youtube
Американските медиуми го оценија интерконтиненталниот беспилотен бомбардер што Русија планира да го направи.

Магазинот Millitary Watch се заинтересира за проектот за рускиот беспилотен субсоничен стратешки бомбардер. Информациите за овој проект неодамна ги соопшти генерал-полковник Сергеј Кобилаш, командант на Стратешката авијација на Воздушно-космичките сили на РФ.

Планирано е овој авион да се воведе во експлоатација паралелно со авионите Ту-160М2 и ПАК ДА.

Тој ќе биде толку универзален што ќе ги решава „сите задачи на стратешката авијација“.

Најверојатно конструкцијата на авионот ќе се заснова на аеродинамичната концепт на „летечко крило“. Покрај тоа, во овој проект ќе бидат интегрирани технологиите применети кај „стелт“ бомбардерот ПАК ДА.

„Ова веројатно ќе биде првиот беспилотен стратешки бомбардер на светот“, истакнува авторот на прилогот. „Додуша, идниот американски бомбардер B-21 исто така подоцна ќе може биде оспособен да дејствува без пилот“.

Американскиот новинар особено го интересира како ќе биде вооружен бомбардерот.

„Дали неговата улога ќе биде чисто стратешка, или е тој, како и неодамна направениот Ту-22М3М, наменет за изведување тактички напади и лов на бродови?“, се прашува тој.

Покрај тоа, тој посочува дека е нејасно во која мерка овој беспилотен бомбардер ќе личи на ПАК ДА и дали ќе биде управуван од далечина или со помош на вештачка интелигенција.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња