Русија планира да направи беспилотeн стратешки бомбардер со голем долет и боева носивост

Youtube
Руските воздухопловни конструктори веќе работат на идеи за перспективен стратешки бомбардер од шест генерација, кој за две децении ќе влезе во вооружувањето на руската армија. За основните карактеристики на ова летало зборуваше и командантот на Стратешката авијација во рамките на Воздушно-космичките сили на руската армија генерал Сергеј Кобиљаш.

Русија планира до 2040 година да развие стратешки бомбардери од шестата генерација кои целосно ќе претставуваат беспилотни летала. Ова го изјави командантот на Стратешката авијација на ВКС на РФ и Херој на Русија, генерал-полковник Сергеј Кобиљаш, а пренесе веб-портал РИА „Новости“.

„Очекувам дека до 2040 година ќе биде направен стратешки бомбардер од шестата генерација, кој ќе биде беспилотно летало“, рече рускиот генерал во интервју за весникот МК.

Тој исто така истакна дека понатамошниот развој на стратешката авијација ќе биде насочен не само преку модернизација на постојните бомбардери Ту-160, Ту-95МС и Ту-22МЗ со цел ефикасно да се продолжи нивниот животен век, туку и преку развој на сосема нови, перспективни летала за стратешка намена, кои ја претставуваат петтата генерација на воздухоплови.

 „Новиот бомбардер ќе биде субсонично борбено летало“, рече рускиот генерал.

Неодамна заменик-министерот за одбрана на Руската Федерација Алексеј Криворучко истакна дека перспективниот воздухопловен комплекс за стратешка намена (ПАК ДА) ќе влезе во вооружувањето до крајот на 2027 година.

Новиот бомбардер-ракетоносец ќе ги замени бомбардерите на стратешката авијација, како што се Ту-22М, Ту-95 и Ту-160. ПАК ДА  е проектиран врз основа на аеродинамична шема „летачко крило“ со максимална употреба на стелт-технологија, која ќе му овозможи да биде невидлив за непријателските радари. Станува збор за субсонично летало, со основна задача да го внесе авионот во простор од каде безбедно ќе се лансира ракета која ќе поседува елементи на вештачка интелигенција. Во зависност од тактичката ситуација, ракетата за време на летот самостојно ќе го одредува својот правец и формата на маршрутата до целта.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња