Во Русија направен бетон за услови на крајниот север

Сергеј Фомин/Global Look Press
Научници од Далекоисточниот федерален универзитет (ДВФУ) и Казанскиот државен архитектонско-градежен универзитет (КГАСУ) направија нов вид бетон за изградба во услови на крајниот север, соопшти ДВФУ.

„Овој бетон не пука, не пропушта вода, стабилен е на студенило и е прилагоден на условите за изградба на Далечниот Исток и во услови на крајниот север... Марката на цврстина на новиот бетон (индикатор добиен со тестирање на бетон 28 дена по излевањето) е поголема за 2,7-3,3 пати во споредба со обичните бетонски мешавини од аналоген состав. Неговата отпорност на студ е три пати поголема... Водонепропустливоста му е поголема повеќе од четири пати“, се вели во соопштението на универзитетот, пренесува РИА „Новости”.

Според научниците, новиот бетон е поеколошки безбеден од обичниот бетон. Притоа при бетонирање не е потребен хидротермална обработка. Потрошувачката на енергија е намалена до 70%. Притоа технологијата на производство на овој бетон може да се примени и во фабриките со минимални трошоци.

Претседателот на Русија Владимир Путин во април изјави дека Арктикот има богати ресурси кои треба да се искористат за доброто на жителите на Земјата.

Прочитајте повеќе: Како во Русија се подигаат градови на вечно замрзнатата земја

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња