Министерството за одбрана на РФ ги модернизира „авионите на Судниот ден“

Новиот воздушен команден центар направен врз база на авионот ИЛ-96-400, таканаречениот „авион на Судниот ден“, беше испорачан на Министерството за одбрана на РФ во фабриката за авиони во Воронеж на 28 јули 2016.

Новиот воздушен команден центар направен врз база на авионот ИЛ-96-400, таканаречениот „авион на Судниот ден“, беше испорачан на Министерството за одбрана на РФ во фабриката за авиони во Воронеж на 28 јули 2016.

Кирил Науменко
Завршени се опитно-конструкторските работи за модернизација на воздушните командни пунктови врз база на авионите Ил-80 и Ил-82 и сега постојните авиони се модернизираат, соопшти заменик-министерот за одбрана на РФ Алексеј Криворучко.

„Сега пристапивме кон модернизација на воздушните командни пунктови врз база на Ил-80 и Ил-82. Научно-производственото претпријатие „Полет“ ја предводи модернизацијата на системите за врска и управување во авионите и успешно ги заврши опитно-конструкторските работи во тој правец“, изјави Криворучко во текот на посетата на ова претпријатие, пренесува агенцијата РИА „Новости“.

Се истакнува дека во модернизацијата се менува само електрониката, по што Воздушно-космичкитте сили на Русија ќе ја добијат втората генерација воздушни командни пунктови, а третата генерација ќе биде направена врз база на авионот Ил-96-400.

Ил-80 е направен врз основа на патничкиот авион Ил-86. Тоа е исто така летечки команден пункт. Овај авион се вика уште и „авион на Судниот ден“ бидејќи е предвиден за управување со трупите во услови на нуклеарна војна. Ил-82 е ист таков команден воздушен контролен пункт, но направен врз база на моделот Ил-76.

Нов воздушен команден пункт ќе биде направен и врз база на хеликоптерот Ми-38, истакна Криворучко.

„Научно-производственото претпријатие „Полет“ се покажа како производител на сигурни авијациски системи за врска на различни нивоа. Планираме во текот на оваа година да започнеме заедно со компанијата „Полет“ нов проект - создавање воздушен команден пункт врз база на хеликоптерот Ми-38“, истакна рускиот заменик-министер.

Криворучко истакна дека „Полет“ пред рокот ќе му испорача на Министерството за одбрана на РФ различни системи за радиоврска и дека врши темелна модернизација на апаратурата во воздушниот команден пункт Ил-22М11 и авионот-репетитор Ту-142МР.

Се нагласува дека Mi-38 поседува многу високи летечко-технички карактеристики и сигурна конструкција. Има и многу економични мотори и напредна носечка конструкција, што му овозможува на хеликоптерот ефикасно да функционира во различни услови на експлоатација. Меѓу другото, тој може да лета и дење и ноќе во различни климатски услови.

Во 2016 година Министерството за одбрана доби воздушен команден пункт врз база на Ил-96-400, таканаречен „авион на Судниот ден“.

Прочитајте повеќе: Авион-апокалипса: пет факти за летачката тврдина

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија
Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња