Камиони на КамАЗ без возач тестирани на пристапниот пат до Кримскиот мост

08 мај 2018

RUSSIA BEYOND - МАКЕДОНИЈА

Министерство за сообраќај на РФ

Пет самовозни автомобили меѓу кои три патнички возила и два камиона КамАЗ се тестирани на пристапната сообраќајница до Кримскиот мост, се наведува на сајтот на Министерството за сообраќај на Руската Федерација. Како што се истакнува, возилата поминале преку десет километри, развивајќи брзина до четириесет километри на час.

Автомобилите ги заобиколуваа пречките и се престројуваа од лента во лента, успешно препознавајќи ги сообраќајните знаци, се наведува во соопштението.

Министерство за сообраќај на РФ

Операторите задолжени за контрола на тестирањето не седеа зад воланот, туку на патничките седишта. Во својство на контролор беше и вршителот на должноста министер за сообраќај Максим Соколов, пренесуваат руските медиуми.

Министерство за сообраќај на РФ

Руското министерство за сообраќај најави и пуштање во сообраќај на Кримскиот мост за патнички автомобили и автобуси кон крајот на мај, додека возењето по најдолгиот мост во Русија и Европа за товарни возила ќе биде дозволен наесен.

Прочитајте повеќе: Сјај во ноќта: Извршена проба на архитектонското осветлување на Кримскиот мост

При користење на материјалите на Russia Beyond задолжителен е хиперлинк до изворот од кој е преземен материјалот.

сообраќај во русија крим руски автомобили

Дознајте повеќе