Су-57 ќе биде способен да „имитира“ масовен ракетен удар

Дмитриј Жердин
Авионите Су-57 и Су-34 ќе добијат нови системи за електронска борба кои ќе можат да имитираат масовен ракетен удар по непријателот, соопшти Владимир Михеев, советник на заменик-генералниот директор на концернот „Радиоелектронски технологии“ (Радиоэлектронные технологии).

Според него, овој систем ќе се состои од ракети кои во себе ќе имаат радиоелектронски средства чија активност до крајни граници ќе ги мултиплицира објектите како ракети кои се гледаат во радарскиот спектар.

Ова може да предизвика страшен шок и еден вид парализа кај противничките пилоти или оператори кои работат на радарско-набљудувачките системи.

Се очекува овој систем да биде готов за 2-3 години кога би почнал да се вградува како задолжителна опрема на овие авиони. Во моментов руската војска поседува елементи на електронска борба кои можат да имитираат ракетен напад на далечина до 20 км. Наредната генерација на овој систем ќе има значително поголем домет, како и способност за создавање на пореалистична илузија која во голема мера може да ја наруши борбената способност на условниот непријател.

При користење на материјалите на Russia Beyond задолжителен е хиперлинк до изворот од кој е преземен материјалот.

Дознајте повеќе

Овој веб-сајт користи колачиња. Кликнете овде за да дознаете повеќе.

Прифати колачиња