Руски научници направија материјал за супермоќни електрични мрежи

Далноводи

Далноводи

Global Look Press
Научниците од Сибирскиот федерален универзитет и Федералниот истражувачки центар на Краснојарскиот научен центар на Сибирското одделение на Руската академија на науки синтетизираа наночестички на оксид на бакарот кои можат да станат основа за суперпроводници на собна температура.

Статијата посветена на истражувањето на магнетните својства на овие честички е објавена во септемврискиот број на журналот Journal of Superconductivity and Novel Magnetism.

Една од најважните особини на материјалите кои се користат за електромрежи е способноста за спроведување на електрична енергија. Секој материјал има електричен отпор, особина да ја расипува електричната енергија, а со самото тоа и да го забавува движењето на им електроните. Меѓутоа, уште во 1911 година е откриен суперпроводник, материјал кој има особина на температура од 4 келвини (-169,15 степени Целзиусови) да ја губи особината на електричен отпор. Научниците подоцна пронајдоа голем број на вакви материјали, но нивната практична примена на почетокот беше невозможна поради неопходноста да се одржува многу ниска температура (од - 273,14 °C до -253,15 °C).

Голем исчекор е направен кога се откриени материјали кои покажаа отсуство на електричен отпор при температури повисоки од -196 °C. Научниците утврдија дека високотемпературните суперпроводници (на температури над 0 °C) би можеле да се користат за создавање нова генерација електромрежи кои ќе имаат поголем спроводен капацитет.

Пред три години соработниците на Сибирскиот федерален универзитет и Федералниот истражувачки центар на Краснојарскиот научен центар на СО на РАН синтетизираа наноправ на оксид на бакар со хемиската формула CuO2 заради можна примена како суперпроводник.

Во природата постои соединение на бакарен оксид кое се состои од еден атом на кислород и еден атом на бакар. Но, благодарејќи на воведувањето на уште еден атом на кислород во соединението, наночестичките од ваквите молекули стекнуваат магнетни својства во одреден опсег на магнетното поле. Овие својства се карактеристични  за суперпроводниците. Истражувачите велат дека, ако успеат да ги поврзат честичките на правот во еден материјал, тогаш тој, според сѐ, ќе функционира како суперпроводник при собна температура, а можеби и на повисоки температури. А тоа отвора нови перспективи за примена.

Во САД, Јапонија, Кина и земјите од ЕУ интензивно се вршат фундаментални и применети истражувања со цел производство на високотемпературни суперпроводници. И покрај значителниот напредок во истражувањата, научните резултати сѐ уште не најдоа практична примена.

„Ни преостанува само да ги поврземе наночестиците на правот на бакарниот оксид. Така ќе добиеме нов суперпроводник кој ќе функционира на собни температури. Потполно реалистично е трошоците за производство на материјалот да се намалат, да се зголемат сигурноста и рокот на траење и да се направат енергетски системи со квалитативно нови карактеристики кои се прилагодени на електроенергетиката на 21 век”, објаснува за РИА „Новости“ раководителот на Научнообразовниот центар на УНЕСКО „Нови материјали и технологии” на Сибирскиот федерален универзитет Анатолиј Лепешев.

„Треба да се истакне дека електроопремата од суперпроводниците е еколошки беспрекорна и во случај на масовно производство поевтина. Зголемувањето на густината на струјата, зголемувањето на силата на струјата по единица маса, како и специфичните физички особини карактеристични само за суперпроводниците претставуваат предуслов за развој на електрична техника со висока ефикасност”, додава Лепешев.

Како руските инженери придонесуваат за развојот на Боинг и Ербас?

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња