Министерството за одбрана на Русија одобри план за модернизација на „Искандерите“

„Постои желба да се оди понатаму, така што ние сега подготвивме предлог до Министерството за одбрана, тој поминува низ фаза на одобрување и во принцип веќе е одобрен. Не треба да се почнува од нула, треба да се работи на развивање на постојните можности на системот. „Искандер“ ќе постои долго време. Јасно е дека мора да живее уште 20-30 години, барањата и задачите ќе се менуваат и тој мора на соодветен начин да ги решава“, изјави Кашин.

Тој исто така потсети дека наесен „Конструкторскто биро за машиноградба“ ќе им го испорача на Вооружените сили на Руската Федерација последниот бригаден комплет „Искандер-М“ според договорот од 2011 година (овој договор предвидуваше испорака на 10 бригадни комплети).

Оперативно-тактичкиот ракетен систем „Искандер-М“ е намене за тајна подготовка и нанесување на високо прецизни ракетни удари врз различни цели во оперативно-тактичка длабочина со гарантирано погодување на цели на растојание од 50 до 500 километри, на различни фази на борбено дејствување, во сите услови, вклучувајќи  и активно констрадејство на противникот со средства за потивракетна одбрана и електронско војување.

Во моментов завршува испораката на бригадните комплети „Искандер-М“ за руската војска, според договорот што Министерството за одбрана на РФ го потпиша во 2011 година. Покрај тоа, во текот на форумот „Армија-2017“ потпишан е и дополнителен договор за испорака на два бригадни комплети со овие системи.

Руската армија се засили со „Искандери“ и „Калибри“

При користење на материјалите на Russia Beyond задолжителен е хиперлинк до изворот од кој е преземен материјалот.