Руската армија се засили со „Искандери“ и „Калибри“

Министерот за одбрана на Русија Сергеј Шојгу.

Министерот за одбрана на Русија Сергеј Шојгу.

Алексеј Николски/РИА „Новости“
Во вториот квартал воено-индустрискиот комплекс на Русија испорачал на Вооружените сили на РФ бригаден комплет „Искандер-М“, 11 авиони, 6 хеликоптери и 60 крстосувачки ракети „Калибар“, изјави министерот за одбрана на Русија, генерал на армија Сергеј Шојгу.

„За време на овој период од претпријатијата од воено-индустрискиот комплекс е испорачано на војската повеќе од 600 нови и 300 ремонтирани примероци на оружје, воена и специјална техника“, изјави Шојгу, пренесува „Взгљад“.

Испорачана е бригада „Искандер-М“, авиони, хеликоптери, девет радарски станици, патролниот брод „Совершени“, два десантни чамци, тешко пловно пристаниште за подморница од класата „Бореј“, како и 60 крстосувачки ракети „Калибар“ со поморско базирање.

Покрај тоа, според Шојгу, одбранбената индустрија создала уште една „техничка позиција на модернизирано командно место со унифициран космички систем“.

Исто така, Шојгу изјави дека во првата половина на годината се ставени во употреба голем број на објекти во кои е распоредено ново оружје и воена техника. Сега, според него, се врши реконструкција на локации за стационарните и мобилните системи „Јарс“, како и на објекти од аеродромската мрежа, пристаништата и полигонските бази.

Шојгу додаде дека државните нарачки во сферата на одбраната во 2017 година се исполнети во делот за испорака на оружје од страна за 34,2%, а за ремонт - 42%.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња