Руските пилоти први на натпреварувањето „Авиадартс“

Ловци „Сухој“ Су-35 во текот на пробата за авиошоуто на „Авиадартс-2016“ во воздухопловната база Дјагилево. 5 август 2016, Рјазањ, Русија.

Ловци „Сухој“ Су-35 во текот на пробата за авиошоуто на „Авиадартс-2016“ во воздухопловната база Дјагилево. 5 август 2016, Рјазањ, Русија.

Марина Лисцева/ТАСС
Тим од руски воени пилоти го освои првото место на интернационалниот натпревар „Авиадартс-2017“, изјави командантот на Воздушно-космичките сили на РФ генерал-полковник Виктор Бондарев.

„Борбата беше интензивна, кинеските пилоти се покажаа одлично, но на нашите пилоти им нема рамни“, рече Бондарев.

Според него, во екипна конкуренција бројот на награди на кинескиот национален тим е ист како и на рускиот, затоа на завршната церемонија на натпреварот пехарот за победник на „Авиадартс“ им беше врачен на капитените на двете екипи.

„Овој натпревар нѐ обедини сите. Од овие натпревари ќе го земеме најдоброто што е потребно за прогресивен развој на Воздушно-космичките сили“, потенцираше Бондарев, пренесува РИА „Новости“.

Третото место го освоија два екипажа на армиското воздухопловство (Ми-35 и Ми-8АМТШ), екипажот на извиднички Су-24МР од Јужниот воен округ и липецки јуришен Су-25.

Вторите места им припаднаа на пилотите на Су-34 од Јужниот воен округ, Су-24МР од Западниот воен округ, хеликоптери Ка-52 од Источниот округ и на членовите на екипажот на стратешкиот бомбардер Ту-22M3 од базата „Бела“ во Иркутската област.

Победници на натпреварот „Авиадартс“ се два екипажа од Липецк на Су-25 и Су-35, пилотите од Источниот воен округ на Ми-8АМТШ и пилотите на воено-транспортната авијација од Псков на Ил-76.

Завршната церемонија на „Авиадартс“ се одржува на аеродромот Дафангшен во Кина. По церемонијата ќе се одржи авиошоу со учество на три аеробатски тимови од Кина  - „1 август“, „Црвен орел“ и „Небесни крилја“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња