Руски ученици освоија пет награди на саем на пронаоѓачи во Јапонија

Ученици.

Ученици.

Алексеј Малгавко/РИА „Новости“
Меѓународниот саем на млади иноватори се одржа во Нагоја. Русите освоија една сребрена и четири бронзени медали. Уште неколку учесници добија специјални награди.

Единственото сребро во руската екипа го освои ученикот во десетти клас од Саров Максим Бушуев. На саемот тој презентираше роботизиран микроавтомобил кој препознава сообраќајни знаци и ја регулира брзината на движење во зависност од добиените информации. Максим исто така смислил и „паметен“ семафор кој ја проценува брзината на автомобилот што се приближува и неговата оддалеченост до пешачки премин. Семафорот врз база на тие податоци решава дали автомобилот ќе успее на време да забави пред стоп-линијата за порано да го предупреди пешакот, прeнесуваат руските медиуми.

Бронза освоија Московјаните Дмитриј Затекин и Степан Лапшинов, и двајцата со роботи (за проучување на другите планети и за работа во претпријатија за преработка на радиоактивен отпад), претставничката на Перм Ирина Масленикова – нејзиниот преносен фиксатор на преломи на екстремитетите предизвика големо внимание кај стручњаците, и уште една учаеничка од Саров – Марија Јакушкина со уред за одредување на извор на звук.

На саемот имаше околу 200 учесници. Русија ја претставуваа 11 учесници со проекти од роботика, здравство, безбедност и екологија.

При користење на материјалите на Russia Beyond задолжителен е хиперлинк до изворот од кој е преземен материјалот.