Во 2018 година во руските полиња ќе добијат беспилотни комбајни

Комбајнот полека излегува на полето и почнува со обработка на посевите. На прв поглед ништо особено. Но, ако се погледне во кабината, ќе се види дека во машината нема човек - комбајнот самостојно ја извршува работата.

Лансирањето на програмата за развој на беспилотни машини за земјоделството беше отпочнато во Татарстан - тука се создаде специјализираниот агрохолдинг „Агрополис“, во кој ќе се произведува „паметна техника“ за потребите на земјоделството.

Се претпоставува дека во наредните пет години вкупниот обем на инвестициите во проектот „Агрополис“ ќе достигне 225 милиони американски долари, а првите пробни примероци на беспилотни комбајни ќе се случат по две години. При тоа, како што велат учесниците во проектот, овие модели ќе бидат само со 15-20% поскапи од традиционалните, управувани од човек.

Меѓу учесниците во проектот „Агрополис“ е најголемиот руски производител на земјоделска техника „Ростселмаш“, еден од водечките земјоделски холдинзи во република Татарстан „Сојуз-агро“, а исто така и руската компанија „Cognitive Technologies“. Последната веќе има искуство во создавањето на беспилотни техника: таа активно соработува со најголемиот руски производител на камиони - компанијата „КАМАЗ“, за кого Cognitive Technologies развива системи за беспилотно управување на автомобили.

Комбајните подобри од Google?

Роботизираниот систем за руското земјоделство ќе се развива за неколку клучни насоки, вели за „Руска реч на македонски“ Ољга Ускова, претседател на групацијата „Cognitive Technologies“. Пред сè, тоа ќе бидат земјоделски комбајни и друга техника.

„Во основата на оваа роботизирана техника лежат нашите разработки за камионите КАМАЗ, каде камерата и компјутерите создаваат таканаречен „виртуелен тунел“, благодарение на кој техниката сама разбира каде треба да се насочи“, вели Ољга Ускова.

u0414u0435u0446u0430u0442u0430 u043du0430 u0440u0443u0441u043au0438u0442u0435 u043eu043bu0438u0433u0430u0440u0441u0438 u0438 u0441u043bu0443u0436u0431u0435u043du0438u0446u0438 u0438u043du0432u0435u0441u0442u0438u0440u0430u0430u0442 u0432u043e u0437u0435u043cu0458u043eu0434u0435u043bu0441u0442u0432u043eu0442u043e

Според неа руската разработка не отстапуваат од странските лидери во овој сегмент, како што е Google, па дури и ги надминува според некои индикатори. Според зборовите на Ускова другите системи во поголема мера се предвидени за идеални услови на патната инфраструктура - обележување знаци, патокази, паметни патишта. А, системите на „Cognitive Technologies“ се ориентирани на руските услови и може да се користат во отсуство на какво и да било означување.

Целата работа е во тоа што компанијата како технолошка основа го користи пасивниот модел на компјутерски вид, кога потребата за управување информации се обезбедува од видеокамерите на беспилотниците.

Овој пристап се користи во Русија во прилог на активниот модел кој претпоставува користење на емитирачки прибор - радари и лидари кои го одредуваат растојанието и брзината на објектите. Токму на неа се базирани многу од странските проекти, на пример Google Car.

Дроновите - спас од ѓубре

Во „Агрополис“ имаат намера да создадат и автоматски системи за следење на земјоделските култури. Тука е предвидено да се користат беспилотни летала, т.н. дронови кои летаат над полињата и го забележуваат, на пример загадувањето.

Уште една насока се фиксни уреди за мерење. Тие ќе се монтираат на различни локации во полињата и ќе го мерат, да речеме, нивото на влага во почвата или нејзината сатурација со потребните елементи. Ако овие индикатори се намалат, ќе биде дадена команда за автоматско наводнување или за активирање на системот за наѓубрување.

Впрочем постојат и пречки во развојот на беспилотната техника во земјоделството. „Досега ваквиот вид транспорт не е законски регулиран“, изјави Олег Коробкин, директор за операциите во транспортната компанија DPD во Русија.

„Важен услов за појавување побарувачка на ваква техника, треба да стане развојот на инфраструктурата за нејзиното одржување, - вели Александар Дјаконов, директор за транспорт во логистичката компанија FM Logistic, - Освен тоа треба да мислиме што ќе правиме со сегашните возачи“. Според оценките на Дјаконов, во моментов во областа на управување со трговски транспорт и друга техника во Русија се ангажирани над 2 милиони лица.

Сите права ги задржува „Росијскаја Газета“.