Поранешен судија се обидел да го продаде своето работно место

Судија гледа во коверт со пари во судница.

Судија гледа во коверт со пари во судница.

Legion Media
Судијата, кој бил подготвен да го ослободи своето место за 4 милиони рубли, сега се соочува со затворска казна

Во Ставрополскиот регион (федерален субјект на Русија во Северната Кавкаска Федерална Област) беше уапсен поранешниот судија Максим Новиков под обвинение за измама, соопштува Истражниот Комитет на Русија. Тој наводно се обидел да ја продаде својата позиција за четири милиони рубли (околу 65000 долари).

Според истрагата, Новиков дознал за аспирациите на друг човек да го земе неговото работно место - па тој одлучил да му помогне на него. Така, еден пријател на судијата организирал средба меѓу него и потенцијалниот кандидат за да поразговараат. Но, човекот се изненадил - состанокот не бил толку интервју колку што бил потенцијална бизнис зделка. Судијата бил подготвен буквално да продаде своето работно место!

По средбата со Новиков човекот бил загрижен дека може да биде измамен, па затоа го повикал ФСБ (Федералната служба за безбедност на Русија). Потоа се сретнал со судијата, под таен надзор на полициските органи, и му го предал бараниот износ на пари. Само неколку банкноти биле оригинални - и судијата бил уапсен на самото место.

На 9 август Новиков беше обвинет за обид за измама според Членот 159 од Кривичниот Законик на Руската Федерација. Неговиот познаник, исто така, ќе се соочи со судење.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња